عقب اتهام عمرو مصطفى له بسرقة ألحان أغنية له.. تامر عاشور يتصدر تريند جوجل
تصدر الفنان تامر عاشور تريند رقم 2 عبر موقع جوجل، بـ ألف عملية بحث وذلك بسبب تصريحات عمرو مصطفى عنه في برنامج حبر سري، حيث اتهم عمرو مصطفى، تامر عاشور بسرقة ألحان إحدى أغنياته، ولم يرد تامر عاشور عن هذه التصريحات حتى الآن.
تصريحات عمرو مصطفى
وحل عمرو مصطفى أمس ضيف في برنامج حبر سري، والذي تقدمه الإعلامية أسما إبراهيم، وتحدث عن تامر عاشور، قائلًا: "يا تامر فيه أغنية عملتها لمصطفى صندل التركي، انت أخدت اللحن والتوزيع الموسيقي ونزلتها أغنية ليك، وكتبت عليها اسم ملحن تاني، وانت المفروض جوة الصناعة، اللي بينتجوا الأغاني بيسرقوا الأغاني والألحان، هل ده مش معناه إن الصناعة اتدمرت، هل وجود المهرجانات وصورتنا برة مصر واختفاء الناس الكويسة ده يرضيك".
وتابع "مش هعتب عليك إنك أخدت الأغنية بس انت مثل من الأمثلة اللي استباحت الجمل اللحنية لأشخاص موجودة وحية، مش هرد أكتر من كده".
وبرر موقفه بـ أخذ الأمر بشكل شخصي، رغم أن تامر وصفه بعمود من أعمدة الصناعة، أوضح عمرو مصطفى "خدته بشكل شخصي لإني قابلته قبل كده وقولتله لما تحب تقول حاجة تعالي قولهالي، وعشان أنا عمود من أعمدة الصناعة المفروض يستأذنني في الأغنية اللي اخدها من غير ما يقول اسمي فيها، وكان المفروض يشيلها لما عرف إنها لحني، ملقتش أي احترام للموضوع، أعتقد لازم تراجع نفسك تاني لما أقول الصناعة انهارت، وزي ما انت بتقول أنا عمود من الأعمدة يبقى انهارت فعلا".
تصريحات تامر عاشور
وجاء ذلك بعد تصريحات تامر عاشور عن عمرو مصطفى في برنامج حبر سري منذ عدة أسابيع، عندما قال تامر ردًا على تصريحات سابقة لـ عمرو مصطفى أن الصناعة المصرية انهارت، وقال تامر حينها: "أنا بقول إن مفيش شخص يشوف، الموسيقى زي الفل والصناعة زي الفل، وطول الوقت عندنا فنانين كتير، يصعب عليا حد مصري، يقول انهارت، طب ما انت في الصناعة وعمود من عمدان الصناعة".
آخر أعمال تامر عاشور
طرح الفنان تامر عاشور منذ أسبوعين أحدث أعماله الغنائية، والتي تحمل اسم "أصحى للكلام"، وذلك عبر قناته الرسمية بموقع الفيديوهات الشهير "يوتيوب".
وتعد أغنية "أصحى للكلام" أول أغاني الصيف الذي طرحها الفنان تامر عاشور، استعدادًا لطرح ألبوم الشتاء الذي من المقرر أن يكون جميع أغانيه درامية.
أغنية "أصحى للكلام" من ألحان محمد أنور، وكلمات محمد مصطفى ملك، توزيع محمد مجدي، جيتار مصطفى نصر، طبلة عيادي، اورج شاهي.
كلمات أغنية أصحى للكلام
عارف أنت إيه في حياتنا
أنت نمرة كام
أنت تبقى نمرة واحد
أيوة مش كلام
نور عيونا واللي بينا ذكريات قدام
أصحى للكلام
أنت عقد فل ريحته فايحة في المكان
أنت دعوة حلوة منا كانت وقت الأدان
ليك مقامك أو مكانك محفوظ
من زمان أيوة من زمان
الكلام الكلام ليك يا عم الغالي
منا تعظيم سلام للمقام العالي
لو تشاور أوام إحنا ندي التمام
أصحى للكلام
الكلام الكلام ليك يا عم الغالي
منا تعظيم سلام للمقام العالي
لو تشاور أوام إحنا ندي التمام
أصحى للكلام
أنت شمس نورها جه يدفي قلبنا
أنت عتبة كان قدمها حلو وربنا
ليك هنخلص حد يرفص نعمة ربنا
دة أنت حظنا
أنت حاجة كبيرة كنا في عرض ربعها
أنت أحلى سيرة دايما نحكي عنها
أنت يا اللي عنيك تحلي الدنيا كلها
أيوة الدنيا كلها
الكلام الكلام ليك يا عم الغالي
منا تعظيم سلام للمقام العالي
لو تشاور أوام احنا ندي التمام
أصحى للكلام
الكلام الكلام ليك يا عم الغالي
منا تعظيم سلام للمقام العالي
لو تشاور أوام احنا ندي التمام
أصحى للكلام
