كلمات أغنية "وحشتيني "لأمير عيد في مسلسل "ريفيو"

قام الفنان أمير عيد بطرح أحدث أغانيه تحت اسم “وحشتيني” عبر قناته الرسمية على موقع “اليوتيوب“،

وقد قدمها خلال أحداث مسلسل “ريفو” الجزء الثاني، الذي يعرض حصريًا على منصة ” WATCH IT”.

كلمات أغنية وحشتيني

"قلتلها وحشتيني
قالت وانت كمان
هو احنا كنا بعدنا لية
ما نحاول مرة كمان

مش فاكر آخر مرة اتكلمنا
كان اية الكلام
ما حدش فينا حاول
واستسهلنا السلام

يمكن كنا تايهين
مش لاقيين حلمنا
يمكن كنا محتاجين
نعرف تحب نفسنا

أو يمكن اتقابلنا
في وقت مش وقتنا
يمكن كنا مش فاهمين
اننا

بنحب بعض بس الحب مش كفاية
زي المشاهد قبل تتر البداية
زي اغنيه بس مش بتقول حكاية
زي الدنيا وأنت مش معايا

قالتلي تيجي نهرب من هنا
ونروح بعيد
ننسي كل حاجة مؤلمة
نبدأ من جديد

نعيش حياتنا اللي في خيالنا
هي هي
مش مهم المكان بس نعيشها
بحرية

مش اكيد هتبقي مثالية
زي حلمنا
بس ممكن تبقي حقيقة
زينا
نلاقي كل حاجة بنتمناها
بقت ملكنا
لكن خايف ساعتها ننسي
اننا

بنحب بعض بس الحب مش كفاية
زي المشاهد قبل تتر البداية
زي اغنيه بس مش بتقول حكاية
زي الدنيا وأنت مش معايا"

أمير عيد يرد على إشاعات تعاطيه المخدرات 

وكان قد رد أمير عيد، عن الاتهامات الموجهة إليه بشأن تعاطيه المخدرات وذلك بعد ظهوره فى أحد إعلانات الفريق ويظهر عليه فقدان الوزن بشكل كبير، مؤكدًا أن رحيل والده ومرض والدته هو سبب حالته التى وصل إليها حاليًا.

فكتب منشور عبر صفحته الرسمية على فيس بوك: "أنا مش باخد مخدرات يا جماعة زى ما البعض بيروج، مكنتش أحب أكتب ده لأنها متعلقة بأمور شخصية، لكن وجب التوضيح ردًا على الشائعات، عشان أطمن أى حد قلقان أنا عملت عملية صغيرة ثم جالى التهاب رئوى ثم أخذت مضادات حيوية أدت إلى مشاكل فى المعدة ثم توفى والدى زائد مرض والدتى، كانت سنة صعبة ومؤلمة نفسيًا وصحيًا مما أدى إلى فقدان الوزن".
وأضاف  "دلوقتى بأكد لكم إن أنا ميه ميه وتخطيت كل ده، سنة ٢٠١٧ ممكن تسموها أهم سنة لكايروكى، انتظروا ألبومنا الجديد فى الصيف بعد غياب سنتين".

مشوار أمير عيد الفني 

ولد أمير عيد (في 26 نوفمبر 1983) وهو مغني وملحن وعازف جيتار مصري وهو المغني الرئيسي في فرقة كايروكي الغنائية.
ديانة أمير عيد 
أمير عيد  مسلم الديانة، ويعتبر من الشخصيات الغنائية المشهورة في المجتمع المصري.

فرقة كايروكي 

قام أمير عيد بتأسيس فرقة" كايروكي " وذلك في 2003 وقد ذاع صيتها بعد ثورة 25 يناير بأغنية صوت الحرية التي غناها أمير ثم توالت بعدها الأغاني ذات الطابع السياسي والاجتماعي مثل أغنية "مطلوب زعيم ويا الميدان " بالاشتراك مع عايدة الأيوبي واثبت مكانك.
وقام في 2020 بأول اعماله  السينمائية في فيلم "لما بنتولد " من إخراج تامر عزت ومثل مصر في مسابقة الأوسكار لأفضل فيلم ناطق بلغة أجنبية.

في 2022 قام بتأدية أغنية أهلا وسهلًا شرفتوا للترويج لمبادرة رئيس الجمهورية لتطوير قرى الريف المصري.