بـ53 مليون مشاهدة.. رامي صبري يحقق أرقاما قياسية لأغنية "يمكن خير"
حقق المطرب رامي صبري نجاحا كبيرا، بعد طرح اغنيته الجديدة التي تحمل اسم "يمكن خير".
واستطاع رامي صبري أن يحقق 53 مليون مشاهدة بأغنية "يمكن خير" على موقع الفيديوهات الشهير يوتيوب منذ 6 أشهر من طرحها.
أغنية يمكن خير
اغنية "يمكن خير" وهى من كلمات أحمد على موسى وألحان رامى صبرى وتوزيع طارق توك.
كلمات أغنية يمكن خير
وتقول كلمات الأغنية: "ولا وقته إننا نتحاسب ولا وقته إني ألوم ولا أعاتب إيه، إيه هيفيد على قد ما قلبي وجعني وأنا شايفك جاي تودعني وماشي، ماشي بعيد يمكن خير ومين يندم على اللي يبيع سنين ويهد أحلامه في يومين ويبيع قوام هنساك وأعيش وأهو حب راح وخلاص مفيش لهواك مكان ميهمنيش خلص الكلام ولا وقته إننا نتحاسب ولا وقته إني ألوم ولا أعاتب إيه، إيه هيفيد على قد ما قلبي وجعني وأنا شايفك جاي تودعني وماشي، ماشي بعيد يمكن خير عشان كان لازم أبعد من زمان أنا وإنت ميسعناش مكان والبركة فيك موضوعنا مات مبقاش خلاص في معجزات وبلاش نقلب في اللي فات راحت عليك".
عمرو مصطفي يتهم رامي صبري بسرقة ألحانة
ومن ناحية أخري، أتهم الفنان عمرو مصطفي الفنان رامي صبري بسرقة الحانة وذلك خلال إستضافته في برنامج "حبر سري" الذي تقدمة الإعلامية أسما إبراهيم
وتحدث أيضًا عن خلافه مع الفنان رامي صبري وأغنية "يمكن خير "، وقال:"لحن أغنية يمكن خير ده لحن أغنيتي "رقصة" اللي أنا نزلتها من سنة، ورامي صبري قال إنه عامل الأغنية بتاعته من 2009، وأنا عايز دليل يطلع قدام الناس يثبت إن الأغنية متسجلة من 2009".
عمرو مصطفي: أنا عمال أتسرق في الأغاني بتاعتي
وتابع:" أنا بحب رامي صبري جدًا، وأنا منفعلتش من شوية أنا عمال أتسرق في الأغاني بتاعتي، وأنا لو عاوز أشيله الأغنية بتاعته من علي اليوتيوب أقدر أشيلها، والأغنية ناجحة عشان بتاعتي وأنا اللي عاملها ".
وأضاف:"رامي صبري باركلي علي أغنية رقصة، وفي ملحنيين كتير سرقوني "
وأختتم: "أنا معتذرتش لرامي صبري بس هو كلمني وقالي أنا عامل الأغنية دي من بدري وشكلي مش حلو وعشان خاطري وكان أي كلام والمفروض كان يبعتلي حاجة تثبت، وأنا عديت الموضوع بمزاجي ".
