رامي صبري عن أغنية يمكن خير: أنا عاملها في 2013 بعد الثورة
حل الفنان رامي صبري مساء أمس ضيفًا على برنامج "أجمد 7" الذي تقدمه الإعلامية "جيهان عبد الله" عبر قناة "نجوم إف إم" وتحدث رامي صبري خلال الحلقة عن كواليس أغنية يمكن خير وموعد عملها لأول مرة وفكرة تأخيره في طرحها.
وتحدث رامي صبري عن من هو العنصر الأهم في عمل الأغنية فعبر عن رأيه قائلًا: "أنا من وجهة نظري الشاعر ده هو 60% من التراك الشاعر هو اللي بيودي الكلام وهو اللي بيودي كل حاجة هو المهم هو الكلام والشاعر أحمد على موسى هو شاعر مش قليل ده شاعر كبير جدًا جدًا جدًا وعمل ليا اغاني تاريخ حياتي فيه 30 /35 تراك هو عاملهم ليا وكلهم كسروا الدنيا (غمضت عيني، جوايا هتعيش، لما بيوحشني، يمكن خير، فاكر زمان) كتير كتير".
رامي صبري عن اغاني احمد علي موسي: بحب الشغل معاه وبتفائل بيه
وكشف رامي صبري عن كواليس تعاونه مع أحمد علي موسى، قائلًا: "موسى شاعر كبير جدًا وأنا بموت فيه وبحب الشغل معاه وبتفائل بيه واغانيه كلها بتمس القلب على طول عنده الحتة دي موهبه سبحان الله شاعر محترم بجد يعني".
وتابع حديثه عن كواليس نجاح أغنية يمكن خير؛ مؤكدًا على أن النجاح الكبير الذي حققه من خلالها هو مجرد توفيق من الله،قائلًا: "يمكن خير لحد من أسبوعين كانت رقم 1 قعدت 4 شهور رقم واحد يعني ينزل حد تفضل رقم واحد وهو رقم 2 أو يطلع هو 1 وتنزل رقم 2 وترجع تاني تكون رقم 1، وده سبحان الله طبعًا ده ربنا وتوفيق من عند ربنا لأن إحنا بنشتغل كلنا وبنتعب كلنا أنا والشاعر والملحن والموزع، أنا كمطرب وكل الناس وبنبقى مش عارفين أي التراك اللي ممكن يعمل كده، أنا عاملها الأغنية دي كان في سنة 2013 بعد الثورة".
وأضاف قائلًا: "أنا بعمل على طول أغاني أنا بلحن على طول أنا وزمايلي (تامر حسين، أحمد على موسى، كل الشعراء اللي بيشتغلوا معايا أصحابي وبنشيل دائمًا الأغاني والأغنية بتطلع في وقتها، أنا بحب جدًا في المقاسيم أنا لما باجي اعمل مقسوم بحب أعمل مقسوم جديد مش مقسوم عادي مكنتش عارف لسه أعملها الشكل الموسيقي اللي يليق بيها كأغنيه علشان تنزل في الوقت ده".
واختتم حديثه قائلًا: "سنة ٢٠١٤/٢٠١٥ اديتيها لموزعين وموزعين كويسين جدًا بس كلهم عملوها العادي، فهي كانت أغنيه بالنسبالي أنا شايفها أغنية فظيعة كلامًا ولحنًا وهي ف الغنى هتبقى حلوة جدًا وشكل جميل والناس بتحبه والمقسوم الدرامي لأن دائمًا الناس بتستغرب حتى لما عملوا عليها فيديوهات على تيك توك فيها رقص ليه لأن هي مقسوم دراما، هي الأغنية دراما في الكلام واللحن كمان مائل للدراما أكتر ولكن الشكل التوزيعي هو ممكن يرقص عادي علشان كده هي بقت تريند أكتر وجايبه فوق الـ 200مليون وفي منها100مليون على تيك توك بسبب الرقص، وأنا بحب أعمل شكل موسيقى تقريبًا محدش بيعمله اللي هو أسمعك أغنية دراما بس تخليك تتهز زي حياتي مش تمام".
تفاصيل أغنية "يمكن خير"
الجدير بالذكر أن أغنية "يمكن خير" تنتمى إلى نوعية الأغاني الدرامية الحزينة، ويعبر فيها رامي صبري عن حزنه بعد فراق حبيبته، ثم ينتقل إلى فترة النسيان والتأقلم على عدم وجودها واستكمال حياته.
وأغنية "يمكن خير" من كلمات أحمد على موسى ومن ألحان رامي صبري وتوزيع وميكس ماستر طارق توكل.
كلمات أغنية "يمكن خير"
وتقول كلمات الأغنية:-
ولا وقته اننا نتحاسب ولا وقته إني ألوم ولا اعاتب
إيه إيه هيفيد
على اد ماقلبي وجعني وانا شايفك جاي تودعني وماشي ماشي بعيد
يمكن خير
ومين يندم على اللي يبيع سنين ويهد أحلامه في يومين ويبيع اوام
هنساك واعيش واهو حب راح وخلاص مفيش لهواك مكان ميهمنيش
خلص الكلام
ولا وقته اننا نتحاسب
يمكن خير عشان كان لازم ابعد من زمان
انا وانت ميسعناش مكان والبركة فيك
موضوعنا مات مبقاش خلاص في معجزات وبلاش نقلب في اللي فات راح عليه.
