عمرو مصطفى يتسبب في حذف أغنية "يمكن خير" لـ رامي صبري من يوتيوب

بعد الخلافات والاتهامات، تم حذف أغنية "يمكن خير" للفنان رامي صبري منذ قليل وذلك بعد تصريحات عمرو مصطفي الأخيرة في برنامج "حبر سري" مع الإعلامية أسما إبراهيم على قنوات القاهرة والناس حيث إتهم "صبري" بسرقة لحن الأغنية من أغنيته "رقصة".

حيث قال "ده مستحيل يكون توارد أفكار وانا لو عايز أشيلو الأغنية دي من اليوتيوب هشيلهالوا".

وأضاف "رامي صبري لو عامل اللحن ومن ظ زي مابيقول يطلع حاجة تثبت الكلام ده، الأغنية ناجحة عشان أنا اللي عاملها، أنا سيبتهالو بمزاجي بس لو زود هبلغ اليوتيوب ان ده لحني".

خلافات عمرو مصطفي ورامي صبري بسبب أغنية يمكن خير

وهذا الخلاف بدء بينهم منذ 6 شهور عندما طرح رامي أغنية "يمكن خير" وقام عمرو مصطفى بمهاجمة "صبري" فور سماع الأغنية واتهمه بسرقة لحن أغنية "رقصة" لعمرو مصطفى وتحويلها ل "يمكن خير".

حيث نشر صورة وهو يضحك وعلق عليها "لما تسمع أغنية "رقصة" وتلاقي زميل سرقها، وبطىء الدخول وكتب كلام وكمان تدخل ترند وكتب ألحانه".

وقام بعدها بحذف البوست ونزل بوست أخر إنه كان بيهزر حيث كتب "رامي صبري أول واحد باركلي هنا علي الصفحة على الألبوم الجديد، وانا بحبه جدًا كفنان وإنسان وبحب استفزه لأنه صديق جدع وعامل ألبوم جامد كمان، بس هو تأثر بأغنية "رقصه" وعادي حبيت بس أقولها "بهزار".

وأكمل "بس عيب الصحافة تكتب سرق، في الأول والآخر ده زميل وصديق وعشرة عمر وعادي تتوارد الأفكار بتحصل بس دي آخر مرة يا رامي".

وجاء رد رامي عليه كالأتي "هزر براحتك يا عمرو بس أغنيتي "يمكن خير" دي انا ملحنها من 2009، وانت عارف إن رامي صبري مستحيل ياخد لحن مش لحنه وينسبه لنفسه وتاريخي وجمهوري المحترم يعرف الكلام ده فما بالك انت بقي، حصل خير وبعد كده متهزرش معايا علشان أنا مبحبش النوع ده من الهزار يا لذيذ".

وطوال الأشهر الماضية لم يتحدث أحد منهم عن هذا الموضوع، إلى أن حل عمرو مصطفى ضيف في إحدى حلقات برنامج "حبر سري" وفتح الموضوع مرة أخرى وهدد بحذف الأغنية وبالفعل تم حذفها بعد أيام قليلة من عرض الحلقة.