عايدة رياض سجنت ظلم وتعرضت لإشاعات ظالمة

قالت الفنانة عايدة رياض عن قصة حبسها، ودخولها السجن لفترة بسبب ١٠٠ دولار، وبدأت  القصة عندما ذهبت الشرطة للمنزل وقيل لمحرم فؤاد اننا مسكنا بنت معها ١٠٠ دولار مزوره وقالت إنه ا اخدتها من عايدة رياض.

عايدة رياض: كان نفسي الناس تتحقق من الحقيقية الأول

و أضافت عايدة رياض خلال الجزء الأول من لقاءها مع الإعلامى دكتور عمرو الليثى بيرنامجه واحد من الناس على شاشة الحياة، "وطلعت بعد ذلك إشاعات انني تم الأمساك بي  في فيلا وكلام ظلم في ظلم وكان نفسي الناس تتحقق قبل ما يظلموني، ويرجعوا لمديرية الأمن ويعرفوا انا كنت فين، والقصة كلها كانت متلفقة ".

مرافعة محرم فؤاد عن عايدة رياض  

و تابعت:" محرم فؤاد اتخانق مع الضابط وده السبب  تأخيري  في المديرية، وناس حقوقين بعد الثورة كلموني وقالوا لي ارفعي قضية وخدي حقك ورفضت وقولت ليهم البلد في ايه وانتو بتقولوا ايه، ومحرم وقف اترافع عني أمام القاضي في المحكمة "

أغنية ظالمة ليه دنيا قصة حياة عايدة رياض

واستكملت حديثها:"وأستاذ صلاح فاير عمل أغنية عن قصتي اسمها ظالمة ليه يا دنيا وهو كان صديق لينا أنا ومحرم "

تجربة عايدة رياض مع مرض السرطان 
 

قالت عايدة رياض:" أنا اتفاجئت زي أي حد، كنت بعمل مسلسل دهشة مع أستاذ يحيى الفخراني وابتديت اتعب شوية، وروحت لدكتور وحللت وأخدت علاج، وكل دا معرفش فيه ايه، وبعد 3 أشهر روحت عملت آشعة، طلع سرطان في المثانة".

وتابعت: "إحساسي وقتها كان صدمة، وقعدت 3 أشهر اتعالج وفي أول شهر كنت مخضوضة، ومكنش فيه حد يعرف خالص غير أخويا، وبعد أول 3 جلسات عملتهم في المستشفى قالي لازم تشتغلي، وفعلا نزلت الشغل وركبت بروكة، ومقولتش خالص أني تعبانة".

آخر أعمال عايدة رياض
 

جدير بالذكر أن أخر أعمال عايدة رياض مسلسل ليه لأ 3 الذي تتناول حلقاته قضية اجتماعية هامة، أثارت جدلًا واسعًا بين الجمهور عقب طرحها في المسلسل، وهي أحقية السيدة المطلقة التي تعول أبناء كبار في الزواج مرة أخرى، وبناء أسرة جديدة، بالإضافة إلى قضية التفرقة في المعاملة بين الولد والبنت، وسوء تربية الأولاد وتدليلهم زيادة عن اللازم وتأثير ذلك على سلوكهم