مدين لـ "الفجر الفني": أحب تكرار تجربة التمثيل.. مرة أخرى، ومحمد فؤاد أول فنان أنتج لي كمطرب (خاص)
قدم مسلسلين في مرحلة الطفولة وهما دور مسلسل ام كلثوم ودور في مسلسل كارانتينا، وفي تصريح خاص لـ "الفجر الفني" وضح "مدين" هل سيعود للتمثيل قريبًا، وكشف لنا عن مَن مِن الفنانين الذي يريد العمل معهم، وأيضًا وضح لنا الأغاني التي قد قام بتلحينها وكان يريد غنائها.
كشف "مدين" لـ "الفجر الفني" عن إمكانية عودته للتمثيل مرة أخرى قائلًا: "تجربة التمثيل أنا نفسي أقدم حاجة تكون بردو على قد مستوي النجاح اللي الحمد لله ربنا بيكرمني بيه في مجال التلحين، نفسي أقدم حاجة بنفس مستوي النجاح ده والقيمة الفنية بردو اللي بقدمها في ألحاني تبقي بردو أقدمها كممثل؛ لأن هو كل الفن واحد يعني سواء كان ألحان أو تمثيل أو غناء فهو كله نفس الفكرة، التفكير اللي أنا بفكر بيه هو ده اللي أنا عايزه يتقدم في كل المجالات اللي أنا بدخل فيها".
وكشف مدين عن أسماء الفنانين الذي لم يعمل معهم قبل ذلك قائلًا: "بالنسبة للناس اللي مشتغلتش معاهم زي حسين الجسمي ونانسي عجرم، ومحمد فؤاد رغم أننا صحاب وعشرة عمر كتير جدًا مع بعض يمكن هو أول شخص قابلته ف المجال لما كبرت بعد مرحلة الطفولة".
وتابع: "محمد فؤاد هو أول حد مضيت معاه كمطرب لأنه كان هو اللي هينتجلي، لكن كألحان لسه محصلش نصيب لحد دلوقتي، عملت أغنية له اسمها "استحملتني" ولكنها اتسربت ونزلت على النت لكن منزلتش بشكل رسمي طبعًا كل ما بينزل فيديو بنحاول نقفلها بس الألبوم كله لسه لحد دلوقتي منزلش منه أي حاجة".
وأضاف: "وبردو محمد منير مشتغلتش معاه غير وطني نفسي اشتغل معاه طبعا كل الناس اللي مشتغلتش معاها نفسي أشتغل معاه واللي اشتغلت معاه حابب أكرر التجربة تاني معاه".
وأزال مدين الستار عن الأغاني التي كان يريد غنائها ولكنها أعطاها لفنانين قائلًا: "في كتير طبعًا لحنتهم كنت عايز أغنيهم زي(هقدر وخلصانة الحكاية) هو أغلب أغاني تامر عاشور بكون عايز اغنيها لأن هو بيكون أكثر شخص بيغني الأغاني اللي بحبها وبيحب يغنيها بيبقي انا لسه عندي مشاكل انتاجية مش مظبوطة أو لسه مش عندي خطة عايز انزل بيها فبسمعها ل تامر عاشور".
وأضاف قائلًا: "عندي بردو أغاني زي مواقف مؤلمة بتاعت أصالة كنت أنا بحضرها لنفسي ولما لقيت اصالة بتجهز لألبومها سمعتهالها، أنا تقريبًا بسبب أن أنا كنت مطرب الأول وبعدين بدأت ألحن فبقيت أعمل كل أغنية كأني أنا اللي هغنيها حتي لو الأغنية فيها كلام حريمي بعمل لحن وقتها إنه ا لو بقت كلام رجالي بردو تبقي مناسبة ليا، طبعًا ده كان أغلب الشغل بعد كدة بقيت أعمل شخصيات مختلفة بعيد عني عشان أبقي بعمل تجديد".
