مدين لـ "الفجر الفني": هذا رأي في الذكاء الاصطناعي.. وانتظروا مفاجآت بشأن أعمالي المرتقبة (خاص)
كشف الملحن "مدين"، عن رأيه في تكنولوجيا الذكاء الاصطناعي وعن أهم الأشياء التي يجب أن تتوافر في هذه التكنولوجيا، وأيضًا صرح لنا عن أنواع الغناء التي لا يقبل أن يقدمها، وكشف أعماله القادمة.
وأزاح مدين في تصريح خاص لـ "الفجر الفني" الستار عن رأيه في تكنولوجيا الذكاء الإصطناعي وصرح لنا عن أي شيء يجب أن يتوافر في هذه التكنولوجيا وهل سوف تحل هذه التكنولوجيا محل الفنان قائلًا: "أنا شايف أن الفترة اللي إحنا فيها في تخبط كثير جدًا وفي عدم وعي لأن حاجة لسه ظاهرة جديد فمحدش لسه عارف إيه الحلو والوحش فيه دائمًا الشئ ونقيضه بيبان من خلال الرأي العام فممكن حد ياخد صوت حد ويعمل بيه أغنية، حتي لو كان عايش فيبدأ يهاجم اللي عمل كدة ويطالب بحقوقه، أو لو حد متوفي فيبدا الورثة بتاعته يطالبوه بحقوقه أو اللي معاه حقوق الملكية بتاعته".
وأضاف: "يعني بتبدأ تبان كل فترة لحد ما يكون في قواعد تحكم التكنولوجيا الذي ظهرت هذه، لكن أنا مع فكرة أن أي تكنولوجيا جديدة لازم نستفاد بيها عشان نسهل علينا الحياة وتفيدنا أننا نبدأ من حبث انتهي الآخرين".
وتابع قائلًا: "أنا شايف أن مفيش حاجة اسمها إن إحنا نلغي فنان بالعكس، هو كل التخبط اللي حاصل هو عشان نحافظ على حقوق الملكية بتاعت الفنانين سواء من صانع أو من المطربين والفنانين زي ما بيظهر دلوقتي، وأيضًا هذه الإنتهاكات سوف تصل للفنانين ان نطلع شخص بشكل في مشهد وهو مش موجود فيه، فهذه الأشياء يجب أن نضع لها قواعد، ويجب عن قريب جدًا أن يكون في قوانين تضبط هذا الموضوع".
وكشف مدين عن أنواع الأغاني التي يرفض أن يقدمها قائلًا: "أنا برفض أعمل ألوان معينة زي مهرجانات الحاجات اللي من النوع ده أنا محبوش، لكن الفنانين نفسهم كل واحد له احترامه وتقديره".
وكشف "مدين" عن أعماله القادمة قائلًا: "أعمالي الجديدة في حاجات مع حماقي ومع رامي صبري وفي اصالة وتامر عاشور، وبوسي عاملها لون جديد ومختلف عليها دراما حلوة جدا في حاجات دراما وفي حاجات مقسوم وفي حاجات دمها خفيف يعني في حاجات متنوعة كتير إن شاء الله وفي مفاجات كتير بإذن الله قادمة".
