نوال عبد الشافي:" أغنية مخصماك كانت وش الخير عليا.. ومحظوظة إني مغربية ومصر بلدي التانية "
حلت المطربة نوال عبد الشافي عدة تصريحات خلال لقائها في برنامج" كلام الناس" الذي تقدمه الإعلامية ياسمين عز، عبر شاشة إم بي سي مصر، وتحدثت عن كواليس نجاح أغنية " مخصماك " وكيف ساعدها المنتج مصطفى السويفي.
كيف حققت نوال الشافي نجاح أغنية مخصماك ؟
قالت المطربة نوال عبدالشافي صاحبة أغنية مخصماك:" اتعاملت مع ناس ليهم اسم في الأغاني، ولقيت نفسي بعمل نفس الحاجة اللي بتعمل وقولت إني كده مش هختلف عن الناس التانية، وكنت مقتنعة إني علشان أنجح لازم أكون مختلفة ففي حد من السوشيال ميديا اسمه مادا قال لي أكلم المنتج مصطفى السويفي روحنا وقابلناه سمعته الأغاني اللي عندي قال لي سيبي الأغاني دي، وقال لي يومين وهجيب لك أغنية حلوة، وفعلا بعد يومين قال لي عندي ليك أغنية تحفة".
وتابعت: "اتفاجئت إن المنتج مصطفى السويفي عرض عليا أغنية مخصماك، قلت له إزاي أنا هغنيها ومكنتش عارفة أغني الكلام، لكنه أصر وقال لي لو مغنتهاش مش هنشتغل مع بعض".
كيف كان رد فعل الجمهور بعد أغنية مخصماك ؟
وواصلت:" كان تفكيري رايح أعمل أغنية حلوة مش مهم لهجتها إيه، وأغنية مخصماك كانت أول أغنية فيها تفاعل مع الناس وكانت وش الخير عليا".
ما هي جنسية المطربة نوال عبد الشافي؟
وأضافت: " أنا مغربية الناس كانوا فاكرين إني مصرية، علشان أغنية مخاصماك فيها كلام كتير مصري، ومصر بلدي الثاني وأعتبرها بيتي، ولكني مش عايشة في مصر، وباجي كتير وخصوصا بعد ما قررت إني لازم أغني، وبقيت أسمع الكلام الجديد في الشارع المصري، واحتكيت بناس كتير، وده خلالني ألقط كلمات".
وأضافت: “المغرب بلد رائع وجميل جدًا، ولدينا ملك عظيم ربنا يطول فى عمره، ولدينا شعب رائع مضياف كريم وسميع، وأنا محظوظة أني مغربية”.
وتابعت: “مصر تعتبر بلدي الثاني وأعتبرها منزلي، وأخدت لكنة مصر من أغينة مخصماك لأني بروج كتير لمصر ولكني مش عايشة فيها، وقررت أني أغني هنا”.
ما رأي ياسمين عز عن الغربيات؟
وووجهت ياسمين عز الحديث للمطربة نوال عبد الشافي: "أنا عارفة إن في ثقافتكم الفرعون حاجة تتشال على الراس وسيدات المغرب من أكتر السيدات اللي بتكون حريصة على زوجها أو شريك حياتها وبتكون أصل الدلع ونادرا ما تقول له مخصماك".
بماذا ردت نوال على حديث ياسمين عز عن المغربيات ؟
وردت نوال عبد الشافي عليها قائلة: "مين قال لك الكلام ده، الست المغربية تحب إن الراجل يديها كامل حقوقها علشان تدي له، ولازم تدلع وتكون مبسوطة وبعدين يلاقي المقابل لأن فاقد الشيء لا يعطيه".
