منة القيعي: الجمهور بيحذرني من تأثير كلمات "اختياراتي" على تدمير حياة الإنسان

حرصت المؤلفة منة عدلي القيعي الرد على الانتقادات التي تعرضت لها أغنيتها الأخيرة، التي قام بطرحها المطرب أحمد سعد باسم "اختياراتي"، وذلك عبر صفحتها الشخصية موقع التواصل الإجتماعي "فيس بوك".

وكتبت منة عدلي القيعي علي صفحتها الشخصية: "الناس عمالة تبعتلي فيديوهات وبوستات بتحذر من وقع تأثير كلمات أغنية اختياراتي على تدمير حياة المستمعين بجد عشان جلب الطاقة ووقع الكلمة على المخ وكدا".

وتابعت: "يعني هي الناس بقالها 70 سنة بتغني جرح تاني وأنا بتقطع من جوايا ونسيت طعم الفرح ودايما دموع وبموت جوايا وببكي علي حالي وعيد ميلاد جرحي أنا ومصدومة بجد ومش بنطق ولا عارفة أرد وأندال أندال أندال و.. و.. و..".

 واستكملت حديثها قائلة: "وخلاص دمار الدنيا بقى هييجي على الكلمتين بتوع العبدة لله؟.. صلوا على النبي كده وافرحوا وارقصوا وهزروا وبطلوا تقولوا لنفسكم إن حياتكم هتدمر من كلمات أغنية فيلم مستر إكس عشان المخ بيصدق كل اللي بيتقاله".

كلمات أغنية إختياراتي 

وتقول كلمات الأغنية: "هو انا مكتوب على وشي تعالى اجرحني وامشي طب اكلم مين يلحقني واصرفها منين معلشي اختياراتي مدمرة حياتي حياتي اختياراتي مدمرة حياتي كده لي اختياراتي مدمرة حياتي حياتي اختياراتي مدمرة حياتي حياتي ليه مغنطيس لناس غريبه ليه والقلب شاف حاجات عجيبة ليه انا مغنطيس لناس غريبه ليه والقلب شاف حاجات عجيبة ليه كل مرة تندهلي وترميني في حضن المصيبة المصيبه ليه مش فاتح تاني الباب دا انا كل مجايبي هباب".