آمال رمزي:"مش ندمانة إني مخلفتش واتجوزت 4 مرات ومش بسامح في الخيانة"

حلت الفنانة أمال رمزي، ضيفة ببرنامج " كلام الناس " مع الاعلامية ياسمين عز المذاع عبر شاشة mbc مصر،وتحدثت عن سر رشاقتها وجمالها برغم كبر سنها وعن عدد زيجاتها وعدم انجابها ورأيها في عمليات التجميل.

كيف حافظت أمال رمزي على رشاقتها وجمالها؟  

قالت آمال رمزي: "باكل قليل وبالليل لازم زبادي ومش بتعشى والفطار شاي بلبن مع ساندوتش الجبنة ومش باكل نجرسكوا الا مرة في الشهر، ومستحيل اكل محشي".

ما رأي أمال رمزي عن عمليات التجميل؟  

وعن رأيها في عمليات التجميل، قالت:" أنا  اعمل بوتكس وفيلر لأني بحب الجمال  لكن لو جراحة لأ لأنها بتأذي".

لماذا لم تنجب أمال رمزي ؟

وعن عدم انجابها، قالت: "مش ندمانة اني مخلفتش لأن عندي اخويا الصغير بعتبره ابني وابنه بردو كذلك فهما عوضوني عن عدم الخلفة".

آمال رمزي تكشف تفاصيل عودتها للتليفزيون 

وأشارت آمال رمزي إلى عودتها للتليفزيون، قائلة: "بحضر لمسلسل طبيبة شرعية مع مروة عبد المنعم وياسر علي ماهر وبجسد دور مراته، ومعجبة جدا بالشخصية لأني عاملة دور الست اللي ليها كلمتها وبقيلي فيه يومين تصوير بس".

كيف كانت بداية أمال رمزي الفنية؟  

تحدثت الفنانة أمال رمزي عن بداية الفنية، قائلة: "اتفاجئت أما قالولي السندريلا اخترتك عشان تعملي دور اختها، وبقت اروحلها أمي جابت مصمم أزياء السندريلا وعملي حاجات مناسبة لسني وقعدت مع سعاد حسني 3 شهور بنعمل كل حاجة سوا، واشتغلت مع نادية لطفي وهما كانوا بيعلموني وبيدوني نمر".

 عدد زيجات آمال رمزي  

تحدثت آمال رمزي عن عدد زيجاتها، قائلة:" الزيجة الأولى كان عندي 17 سنة وكان بيني وبينه 12 سنة، كنت متزوجة من المخرج كمال صلاح الدين لكن وخاني مع راقصة من بتوع زمان ولاد الحلال قالولي وروحت قفشته لأنه كان بيستناها كل يوم في الكازينو، واللي بلغني ارملة بليغ حمدي وهي واختها كانوا في الوسط ومش بسامح في الخيانة".

وتابعت: "أنا اتجوزت 4 مرات والزيجة التانية كان مهندس ومقاول وقعدت معاه 20 سنة وكان كويس لدرجة إنه انتجلي، وكان بيغير عليا وحبني انا وأسرتي".