عزيز الشافعي عن تعاونه مع عمرو دياب:" فخور بأغانينا ونجاحاتنا سوا"

أعرب الملحن عزيز الشافعي عن سعادته البالغة بتعاونه مع النجم عمرو دياب، في العديد من الأغاني، وذلك من خلال حسابه الرسمي على موقع تبادل الصور والفيديوهات “إنستجرام”.

ونشر عزيز الشافعي اسماء الأعمال التي جمعته بعمرو دياب، وعلق عليها قائلًا:”أغسطس ٢٠١٩ يوم تلات بعدها بدأت الرحله مع الهضبه قدام مرايتها، زي مانتي، سهران، بالضحكه دي، يا بلدنا يا حلوه، أماكن السهر، الدنيا الحلوة، شكرًا، طبل، زمن المجاملة، انت الحظ، كتر من قربك، حلو التغيير، اللي بينا حياة، سينجل، بطمن عليك، شكرًا من هنا لبكرة".

وتابع عزيز الشافعي:" ١٨ أغنيه  منهم ٤ أغاني من كلماتي وألحاني، بالإضافه لتعاوني مع الشعراء الكبار تامر حسين أيمن بهجت، بهاءالدين محمد، نصر الدين ناجي بترتيب نزول الأغاني".

عزيز الشافعي يتحدث عن تعاونه مع عمرو دياب 

وأضاف:" يعني ٢٢ تعامل بين العالمي عمرو دياب وعزيز الشافعي خلال أقل من ٤ سنوات، فخور جدًا بأغانينا سوا ونجاحاتنا وبتطلع دايما للجديد، وإن شالله المزيد".

ما هي آخر أعمال عزيز الشافعي؟ 

والجدير بالذكر آخر أعمال عزيز الشافعي أغنية الرعشة للفنانة ساندي والذى حازت على إعجاب الجمهور.

كلمات الأغنية 

وتقول كلمات الاغنيه 

واخد بالك من نظراتي لما بتيجي عينيك ف عينيه
واخد بالك من همساتي وكلامي اللي عليك وعليا 
لما بنبقي ف نفس الحته انا ببقي ف حته
دانا بتقطع وانا قدامك تلاتين حته 
لما بنبقي ف نفس الحته انا بنسي الدنيا
بنسي الناس التانيه وبفضل شايفاك انت

و الرعشه
اللي في ايدي لما بتيجي وتسلم عليا
الرعشه
اللي ف قلبي اللي ف روحي لما بنسكت شويه
و اه من سكوت عن كلام كتير ما  اتقالش لسه
اه من حنين مكبوت ف قلبي وقلبك حاسه 
بالرعشه
اللي ف ايدي لما بتيجي وتسلم عليا 
الرعشه اللي ف قلبي اللي فروحي لما بنسكت شويه
لما بتبقي قصادي انا بسرح ف البصه دي
انا مش عارفه ازاي بتحول للدرجه دي
ازاي لما بسلم بس ب ايدي بسلم 
نفسي وقلبي وروحي  قصادك ليه بستسلم
للرعشه
اللي ف ايدي لما بتيجي وتسلم عليا
الرعشه اللي ف قلبي اللي ف روحي لما بنسكت شويه
كل حاجه بتقول بحبك
كل حاجه بتقول بحبك.