حسين حجاج يكشف حقيقة خلافه مع هنيدي: "قالي مينفعش نشتغل سوا تاني ومش زعلان منه هو حر"

كشف الفنان حسين حجاج حقيقه خلافه مع الفنان محمد هنيدي قائلا:' مش زعلان من هنيدي كل الحكاية أن كان في لقاء تليفزيون وقالو لي مبيسألش عليك قولتلهم مبيسألش أنا اشتغلت معاه فيلم صعيدي في الجامعه الامريكيه وكان فيلم ناجح جدا.

تصريحات حسين حجاج 

تابع خلال حواره مع الإعلامية انجي هشام في برنامج المنسي عبر قناة هي:' مرة قابلته بعدها بسنه أو اتنين قولتله ايه انت نسيتني ليه ؟ قالي مينفعش نشتغل مع بعض تاني قولتله طب ليه قالي اصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض

: تابع:' لقيت كلامه مش منطقي الناس لما بتلاقي حد ناجح في مشهد بتجيبه  لكن ده بيقول العكس لكن أنا مش زعلان منه ولا حاجه هو حر، أنا معرفش هوا جواه ايه أنا قابلته ساعتها في هيلتون رمسيس وكان معاه ساعتها الاستاذ هاني رمزي وانا كنت رايح اسلم على هاني رمزي.

المنسي 

يذكر، أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا  ويستضيف عددا من نجوم الفن والإعلامين الذي غابت عنهم أضواء الشهرة والنجومية.

علق الفنان محمد هنيدي، على تصريحات المخرج جمال عبد الحميد، بشأن حديثه عنه تعرض الأول لإغماء داخل إحدى الأعمال الفنية وإنقاذ النجمة شيريهان له ومنعها الطبيب من إبلاغ لشرطة بسبب التعاطي.

وقال هنيدي: "كلنا في حاجة من الاستغراب والصمت بسبب التصريحات دي، شيء غير مفهوم، وإحنا ناس مش صغيرين علشان نرد على بعض في حاجات فاضية، ونتكلم عن أشياء حصلت من 40 سنة، كان موقف مش ظريف".

وأضاف: "التسامح حاجة مريحة جدا لكن لها حدود، وكله كلام فاضي في الآخر".

وأكد النجم محمد هنيدي، أنه رفض قبل ذلك دور في فيلم للزعيم عادل إمام، قائلا: حدث ورفضت دور في أحد الأفلام عقب فيلم "بخيت وعديلة"، وكان دور تاني ولم أكن مرحب به.

وأوضح "هنيدي"، خلال حواره مع الإعلامية اسما إبراهيم، ببرنامج "حبر سري"، المُذاع عبر شاشة "القاهرة والناس"، أن لقائه مع الزعيم عادل إمام لإبلاغه رفضه للدور لم يستغرق دقيقتين، مؤكدا أن علاقته بالفنان عادل إمام جيدة وليس هناك خلاف معه.