بسبب "العراف".. ريم طارق تتهم بسمة وهبة بخداعها.. وتعلق: "أنا اللي تلعب بيا"

حلت ريم طارق طليقة مطرب المهرجانات حسن شاكوش، ضيفه على برنامج "90 دقيقة" الذي تقدمة الإعلامية بسمة وهبة.

واتهمت ريم طارق الإعلامية بسمة وهبة، بسبب حلقتها في برنامج "العراف" الذي تم عرضة في شهر رمضان السابق.

وقالت ريم طارق لبسمة وهبة: "انتي ضحكتي عليا لما قولتلك الكلام اللي قاله شيخ العرافين صدق وإن حسن فعلا متجوز عليا قولتيلي دا خراب بيوت يا ريم ومتصدقيش وطلع فعلا صح".

ريم طارق: أنا اللي تلعب بيا

لترد عليها بسمة وهبة "معنديش جواب ليكي، شيخ العرافين هو اللي عارف يعني حلقة شيخ الحارة هي السبب! ما انتي قعدتي بعدها كذا يوم" لترد ريم طارق " أنا اللي تلعب بيا".

وخلال الحلقة كشفت ريم طارق تفاصيل جديدة حول أزمتها التي استمرت طوال الأشهر الماضية

وقالت ريم طارق "أهله اتواصلوا معانا وقالوا تعالوا نقعد على كافيه علشان نطلقها وبابا قالهم أنا ليا بيت وزي ما أخدها من بيتي يجي يطلقها ولو بنتي غلطانة أربيها مرضيوش".

ريم طارق: عملت إثبات حالة إن حاجتي في البيت 

واضافت ريم طارق "عملت إثبات حالة إن حاجتي في البيت معجبش أهله ولما طلعت على السوشيال ميديا بعتلي وقالي انتي بتكتبي عالسوشيال دي لعبتي أنا هتسلى عليكي أنتي وأهلك عليها".

تعدي حسن شاكوش علي ريم طارق بالسب والشتم 

وفى وقت سابق نشرت ريم طارق زوجة مطرب المهرجانات حسن شاكوش، فيديو لايف من أمام فيلا مسكن الزوجية، بصحبة رجال الأمن، بعد حصولها على قرار تمكين من جهات التحقيق حسب وصفها، مشيرة إلى أن حسن تعدى عليها بالسب والشتم.

وقالت ريم طارق إنها لا تستطيع دخول الفيلا حتى لأخذ ملابسها الخاصة، على الرغم من حصولها على قرار تمكين من جهات التحقيق، قبل شهرين، قائلة: معايا قرار تمكين من جهات التحقيق، ومش عارفة أتمكن من الفيلا وأخوه وابن أخته قاعدين، ومنتظرين من أربع ساعات ومش عارفين ندخل ومش عارفة آخد هدومي لأنه مستولي عليهم.

وتابعت زوجة حسن شاكوش: أنا ما قلتش سبب المشاكل وما عملتش حاجة غير إني جاية آخد هدومي لأني كنت ممنوعة من الدخول، وهو بيشتمني قدام الناس وبهدلني، وده المكان اللي ساكنين فيه وقاعدين فيه لوحدينا وهو جاب أهله وأنا مش معايا حد من أهلي.