حقيقة هجوم أورتيجا على الملحن عمرو مصطفى

أعرب مغني المهرجانات أورتيجا، عن استيائه الشديد بسبب اتهام الملحن عمرو مصطفى لـ مطربي المهرجانات، بسرقة الألحان ووضعها على أغاني المهرجانات.

أورتيجا يهاجم عمرو مصطفى

وأكد أورتيجا في تصريحات تليفزيونية، أنه حاول التواصل مع الملحن عمرو مصطفى بعد تصريحات الأخير لـ توضيح الأمر، مردفًا: أنا زعلان من عمرو مصطفى جدا بعد تصريحاته الأخيرة عن جميع مطربي المهرجانات، ومينفعش يذكر أسماء بعينها ولا يتكلم عننا بشكل عام، وحاولت أتواصل مع عمرو مصطفى قبل ما أكتب البوست وأهاجمه على تصريحاته ولكن معرفتش أوصله.

أورتيجا يوجه رسالة شديدة اللهجة لـ عمرو مصطفى

ووجه أورتيجا رسالة شديدة اللهجة لـ عمرو مصطفى، قائلًا:" إحنا مش حرامية إحنا ناس صناع ونجوم كبار بتطلب مننا كلمات وألحان وتوزيع وبيحققوا من خلالها ملايين المشاهدات، وبقوله ربنا يكرمك في حياتك وتبقى من أحسن الملحنين في العالم ومتتكلمش عن حد وخليك في حالك ورد بشغلك".

أورتيجا يتحدث عن سرقة مطربي المهرجانات للألحان

وتحدث أورتيجا عن سرقة مطربي المهرجانات للألحان ووضعها على أغانيهم، إذ قال: سرقة تراك الأغنية كامل كوبي بيست هذا يعتبر سرقة، لكن ممكن تستوحي شيء من مزيكا وأنا بسمع كل الثقافات، ومش حابب أذكر أسامي ناس كبار محققين 200 مليون من ألحان مسروقة ومفيش حد في الوسط الفني مبينحتش ومفيش حد حاليا بيبدع.

أورتيجا يرد علي عمرو مصطفى عبر الانستجرام

ومن جانبه، سبق وشارك أوريتجا، متابعيه، جزء من حديث عمرو مصطفى، عن مطربي المهرجانات، عبر حسابه الشخصي بموقع انستجرام، وعلق عليه قائلًا: لا والله ا، والله يا أستاذ عمرو يا كبير إحنا مش حرامية ومتجمعش،  وزاي ما أنت في الخليج وأوربا إحنا من عشر سنين في الخليج وأوربا ولينا جمهور يسفلت الكرة الأرضية.. تيجي أنت في ثانية تطلعنا حرامية، يا أستاذ إحنا صناع، وصناع لمطربين كبار في الوسط الفني، حضرتك متجمعش على حد قول على اللي سرقك أتكلم عنه بعد أذن حضرتك.

أورتيجا لـ عمرو مصطفى: أنت زعلتني من طريقة كلامك عننا

واختتم أورتيجا: عمال أقول حضرتك وأنت تقول حرامية وبنتباها بيك إنك مصري وحد عظيم متخليش الواحد يكره نفسه بقى والله العظيم، أنت بتهين ناس ابتكرت مزيكا، جديدة طالعة من مصر مصرية الصنع والعالم كله، بيتحاكه بيها في ثانية عيب والله بجد.. أنا لا بتاع تريند ولا بتاع سيط، ولا بتدخل في أي حاجة ولكن أنت بتسرق كل الناس لمجرد أن حد خد منك لحن أو أتنين أمشي قانوني زي ما حضرتك بتقول، بس أنت متغلطش في كل الناس، لأن في ناس بتصنع محتوه من لحن لكلام لمزيكا، وبتنزل وتسجل قانوني، وبتنجح نجاح كبير، زي ما أعمالك ما بتنجح بالظبط.. فى أرجوك أنا بحبك وأنت زعلتني من طريقة كلامك عننا، والناس اللي ملهاش ذنب في اللي حضرتك بتقوله أنا حاولت أوصل لحضرتك معرفتش فقولت أقولك هنا.