بـ3 أغاني.. حمزة نمرة يتصدر تريند "يوتيوب"

تصدر النجم حمزة نمرة تريند موقع الفيديوهات الشهير يوتيوب، حاصلًا على المركز الثالث بـ أغنية غروب التي حققت أكثر من نصف مليون مشاهدة، بينما حصل بـ أغنية رايق على المركز الخامس بـ  2 مليون و600 ألف مشاهدة، ونجح في وضع أغنية إسكندرية من ضمن تريندات يوتيوب حتى بعد طرحها بـ يومين، حيث حصلت على المركز السابع بـ أكثر من 300 ألف مشاهدة.

من هم صناع أغنية غروب؟ 

أغنية غروب من كلمات محمود فاروق وألحان حمزة نمرة وتوزيع وميكساچ أندريه مينا وتنفيذ وتريات أحمد عاطف، تسجيل م/ياسر حسين وستوديو الرسالة وإنتاج نمرة بروديكشن.

كلمات أغنية غروب

خدني  طريقي لقيتني ماشي قصاد البحر والموجة تضحكلي وتقول لي والله زمان
والشمس ليا بتبتسم وبتسيب المكان
وانا ليه في توهة الدروب
بشوفك في الغروب وكل شيء جميل
واشتاق لصوتك كل يوم واكلم النجوم وافضفضلك يا ليل
خدني حنيني لقيتني في خيالي بفتكرك واشتاق 
وكلامنا ولقانا واللهفة والأشواق
والحب من أول لقى ودموع آخر فراق
وانا ليه في توهة الدروب
بشوفك في الغروب وكل شيء جميل واشتاق لصوتك كل يوم
واكلم النجوم وافضفضلك يا ليل

جوايا ليكي اللي لسه ما قلتهوش
علشان كلام الحب كله ما يوصفوش
ولو قلوب الناس تغيرها الحياة
أنا حبي ليكي الزمن ما يغيروش.

أغنية رايق

تعد أغنية رايق الأغنية الترويجية لـ ألبوم حمزة نمرة الجديد وهو ألبوم موسم الصيف ويضم الألبوم 13 أغنية، وطرح منهم 3 أغاني وسيتم طرح بقيتهم بشكل منفصل كل أسبوع.

وتقول كلمات أغنية رايق: فارق مين عليا
ولا فارق مين معايا ولا فارق مين سابقني ولا فارق مين اللي ورايا
كان صاحب ولا عشرة كان أصلي ولا قشرة
كات أوضة ولا فيلا كان شايب ولا بصرة
رايق رايق رايق رايق وتقيل وراسي وعايشلي دور مقاسي
رايق رايق رايق لحبايبي بس وناسي ولا بتعب في الغياب
ولا بفرح بالمدد ولا بادخل في اكتئاب
ولا بقلق م الحسد مش هفتح باب يدايق
ولإن مزاجي رايق لا هشارك في المسابقة
ولا عايز حتى اسابق باضحك على قد سني
وسني يسمحلي أغني والخدمة الحلوة منكم
لما تفكوكوا مني كله عارف تمامه
لا هنزل أو هعلي كله ياخد مقامه
مايخدش زيادة نص ملي.

ما هي تفاصيل أغنية إسكندرية؟ 

أغنية اسكندرية من كلمات محمود فاروق، ألحان حمزة نمرة، توزيع وميكساچ أندريه مينا، تنفيذ وتريات أحمد عاطف، تسجيل م/ياسر حسين ستوديو الرسالة، إنتاج نمرة بروديكشن.

 كلمات الأغنية

طب والمرسي أبو العباس إنتي حبيبة كل الناس بحرك لولي ورملك ماس
عمار يا اسكندرية..
لو هتكلم في التفاصيل للصبحية هقول مواويل بحري وقبلي وصبح وليل بموت في اسكندرية..
نسمة هوا ساعة عصرية وكوزين الدرة والتمشية م المعمورة للمنشية
يا مساء الجمال..
م الكورنيش ولحد القلعة نتعشى ونتمشى ووالعة من سحرها بتحس بمتعة ولا خطرت في بال..

طول الليل صاحية ما بتنامشي باجي مببقاش عايز امشي وسنين تيجي وسنين تمشي وهى لسه شباب

طب والمرسي ابو العباس وشوارع بتحب الناس سايبة علامة فى قلوب يامه ده مين جالها ونساها

صوتها فى مزيكة درويش واغانى الناس والحرافيش وسط اللمة 
وايوه لما تسيب روحك معاها

المندرة ولوران وستانلى والمود المظبوط بالمللى مع صوت الموج اللى يخلى تمللى البال يروق

حتى الشتا عندها حدوتة والمطرة بتنزل مبسوطة مع كوباية شاى مظبوطة وسهرة للشروق

سيبلها نفسك مش هتسيبك وان جيت تبعد هى تجيبك عارفاك ومصحباك على عيبك كمان سرك فى بير

ومعاك ياما وللا شوية كله على الكورنيش سواسية نفس الرملة ونفس الماية ولا بتفرق كتير