جواهر:" آمال ماهر وأنغام صوت مصر.. ومطربة معروفة بتسألني ليه رجعت تاني "
كشفت جواهر عن الفنانة الأشمل من وجهه نظرها بين أنغام وشيرين وأمال ماهر قائلة:" مش الاهرامات تلاتة ؟ هما التلاتة زي بعض مفيش حد يقدر يغني زي آمال ماهر آمال لما بتغني للست حبيتها جدا وحبيتها أوي أوي وبتمنالها النجاح من قلبي والاستايلست بتاعها كان بتاعي في فترة من الفترات كنت بقوله أنا نفسي تغني ليا حاجه هي فعلا صوت مصر".
بماذا وصفت جواهر المطربة أنغام وشيرين ؟
وتحدثت عن أنغام في حوارها مع الإعلامية انجي هشام في برنامج المنسي عبر قناة هي:'"أنغام بلا منازع لكن شيرين صوت حنين وحساس مفيهوش ولا غلطة بس ربنا يهديها لنفسها إنما هي كفنانة مفيش ولا غلطة في غناها".
ما رأي جواهر عن ألقاب المطربين ؟
وتحدثت عن رأيها في الألقاب التي يلقب بها المطربين أنفسهم قائلة: "شيرين من حقها تزعل إن اللقب ده يروح لأنغام وانغام من حقها تضايق لو شيرين قالت نمبر وان لا صعب بينهم هما الاتنين تقارني في فرق لما تكون دي مطربة ودي مؤدية لكن لما يكونوا هما الاتنين مطربين صعب".
رأي جواهر في أبرز أصوات مصر
وتحدثت عن رأيها في صوت أصالة:" هي صوتها حلو وعندها عرب بتدبحني وعندها أبعاد في صوتها رهيبة ومنقدرش نقلل من شأنها لكن خلينا دلوقت في شيرين وآمال ماهر وأنغام صعب جدا نقول مين اقوى من مين".
ختمت قائلة: "أنغام لما تسمعيها متقدريش تقولي غير أنها صوت مصر الأول شيرين صوت حساس بلا منازع وآمال ماهر تقولي يلا نسيب كل حاجه ونقعد نسمعها صعب تصنفي ما بينهم، مش الاهرامات تلاتة يبقي خلاص هما التلاتة زي بعض وبصراحه محبش يتقال فلان صوت مصر وفلان لا".
جواهر تكشف عن مطربة معروفة تنتقدها بسبب عودتها للفن
كما كشفت الفنانة جواهر عن مطربة ترسل لها إنتقادات بشكل مستمر بسبب عودتها للفن قائلة:" في فنانة كانت بتبعتلي رسائل بعد ما رجعت بشكل قوي في حفلات نهارية كنت بعملها في الريف العربي، لان الجماهيرية كبيرة واللهم صلي على النبي إدارة القرية منعت الحجز".
وتابعت:" كانت بتقولي يووه انتي تاني هانتي تاني رجعتي تاني حمادة وتاني اسمريكا، قرفتينا يا ستي، وهي فنانة موجودة بس مش نفس لوني".
برنامج المنسي
يذكر أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءً، ويستضيف عددًا من نجوم الفن والإعلامين الذين غابوا عن أضواء الشهرة والنجومية.
