سارة نخلة: 'مش عايزة أرجع أمثل في سوريا واللي مشتغلش في مصر مبيتعرفش.. والمادة مهمة بالنسبة ليا'

أكدت الممثلة والمذيعة السورية سارة نخلة، أنها لا تريد العودة لوطنها سوريا مرة أخرى بسبب استقرارها في مصر، موضحة أنها رفضت العديد من العروض للتمثيل في سوريا، مشيرة أن الفنانيين العرب يحرصون على العمل في مصر حتى ينالوا شهرة واسعة في الوطن العربي.

وقالت سارة نخلة خلال حوارها في برنامج “من غير نفسنة” الذي تقدمه الفنانة انتصار وبدرية طلبة ونوليا، عبر شاشة قناة “هي”: عمري ما مثلت في سوريا، طبعًا في بلدي ولكن أنا مش عايزة أرجع أمثل في سوريا، حتى جالي عروض ولكن مشوفتش إنها مناسبة ليا، والممثل السوري واللبناني أو أيًا كان بيشتغل 10 أو 20 سنة، وبعدين بيجي يشتغل في مصر، علشان اللي مبيشتغلش في مصر مبيتعرفش، وشرف ليا إني بدأت من مصر وهكمل في مصر.

وتابعت: أنا خلاص مستقرة هنا، وناس كتير اشتغلوا في سوريا كتير ولكن انطلقوا من مصر، ولو مكانوش اشتغلوا في مصر مكنش الوطن العربي كله عرفهم.

وأضافت: الفن في مصر معلمنيش أحافظ على المواعيد خالص، أنا ملتزمة جدًا بمواعيدي وبحب الراجل اللي معايا تكون مواعيده مظبوطة، أي حاجة الرجالة بيقولوها تعرفي أن هي العكس تمامًا.

واستكملت: اختار الراجل الذكي لأنه هيعرف يجيب فلوس، ومش هحور المادة بالنسبة ليا مهمة جدًا، ولكن كرامتي أهم من الدنيا ومن كل حاجة.

واختتمت سارة نخلة، حديثها: أنا مبعتبرش دي ست أصلًا ولازم تبقى معاهم، لأن اللي بتعلم الستات يبقى معندهاش كرامة دي بتسيئ للستات ولنفسها قبلها، وطالما شايفة نفسها كده تروح تغير الجنس بتاعها وتكتب ذكر، ما دام إنتي معجبة بالجو ده روحي لهم، أنا ضد أي واحدة بتحرض الست إنها ميبقاش عندها كرامة، الكرامة دي محدش يشتريها بكنوز الدنيا.

من غير نفسنه 

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا،  يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.

https://youtu.be/JsCIBagLSaI?si=uuHXObQT22ghGbGA