مجدي إدريس يكشف عن السبب الحقيقي وراء ابتعاده عن الساحة الفنية
كشف الفنان مجدي إدريس عن أمنياته التي لم تتحقق بعد: “دايما بقول افرد جناحات الامل واحضن حلمك وطير هتوصل، بس انا طول عمري بحلم بالسجادة الحمراء هوليود من وانا صغيرة نفسي اوصل للعالمية أنا ممثلتش لحد النهاردة والله ما مثلت اقسم بالله ما مثلت ومحضر الأدوار اللي انا عاوز اعملها كلها".
أضاف إدريس خلال حواره مع الإعلامية انجي هشام في برنامج المنسي عبر قناة هي: "محضر كل الأدوار اللي عايز اعملها في الكلاسيكيات كلها وعامل لكل شخصية تركيبة والامل مش بعيد ربنا زي ما بيهب الإنسان من عنده سبحانه وتعالى ربنا لما يهبك شيء جميل تأكدي أنك مش هتخذلي فيه ابدا هتنجحي".
الفنان مجدي إدريس يكشف عن حلمه
وتابع إدريس قائلا: "طال العمر أو قصر دي بتاعه ربنا يعني لحقنا اخر عربية في القطر كان بها ملحقناش يبقي اللي بعدنا يعملوه إنما متستغربوش علي فكرة ممكن يقولوا الراجل ده مجنون ولا ايه ليه لا ده حلم مشروع كمان نفسي احج ونفسي احفاد احفادي في يوم الايام ميجيش يقولوا جدك كان بيعمل كذا وكذا وحش مش ولادي بقي لا أحفاد احفادي كمان".
مجدي إدريس يكشف سبب بعده عن الساحة الفنية
كما كشف الفنان مجدي إدريس سبب بعده عن الساحة الفنية قائلا:' في فرق بين موجود ومتواجد أنا موجود، لكن بعيد عن الساحة الفنية لأسباب عديدة أنا مقتنع جدا باللي أنا فيه وعندي سلام نفسي جوايا وعارف أنا بعمل ايه، أنا معنديش مشكلة إني ادخل مسلسل كبير اعمل مشهد بس لازم المشهد يكون مؤثر والشخصية كويسة، عدم وجودي سببه إن المسألة بقت صناعة لكن مينفعش تقولي تشتري بكام واقولك تعالى ده بكذا وده بكذا، يعني لما فنان يقولك تعالى دا منتج لا ممثل طيب عاوزني معاك على أساس إيه.
تابع:' أنا بشتغل في العمل مش بشتغل مع فلان، أنا مش برفض إن فنان يقولي تعالى عايزك معايا دور لكن متصدريش إن تعالى فلان عايزك مينفعش بقرش جبنه وبقرش حلاوة في المهنة مينفعش مع احترامي لجميع المهن أنا فنان مش بقال ومش بنبيع إبداعنا.
