حورية فرغلي: كان عندي 7 أورام والدكتور قالي قدامك 10 سنين تحملي
كشفت الفنانة حورية فرغلي تطورات حالتها الصحية بعد خضوعها عملية جراحية مؤخرًا استئصال الرحم، وذلك خلال لقائها في برنامج "ET بالعربي".
وقالت حورية فرغلي: "أنا مؤمنة بقضاء ربنا، ومن صغري وأنا عارفة أن عندي ورم في الرحم وعارفة أن دي وراثة، شالولي الرحم والورم كان لازق في كل حتة وقعدوا خمس ساعات يفكوه".
حورية فرغلي: حاسه بنفسي أحسن بكتير
وتابعت: "حاسة بنفسي أحسن بكتير وعندي طاقة ومش تعبانة وباكل كويس لإن الورم اللي على الرحم كان مأثر عليا، ودي مش أول مرة أخضع لعملية، عملت عملية شبه دي وأنا عندي 30 سنة وكان عندي 7 أورام والدكتور قال لي قدامك 10 سنين وبالمساعدة تقدري تحملي ولما تخلفي وأنا بولدك هشيل لك الرحم، وما أتجوزتش خلال المدة دي".
وتحدثت حورية فرغلي عن حلم الأمومة قائلة: "عمري ما مسكت بيبي ولما مسكتها حسيت وكإني بتكلم مع بنتي، وفي آخر الكلام قلت لها هسميكي حورية، وكنت بتكلم من قلبي، وكان نفسي أجيب بنت وده حلمي طول عمري، ومش عارفة إيه ممكن يعوض الإحساس ده، خاصة إن الحاجة الوحيدة اللي كانت ممكن تفرحني هي إني أجيب بيبي".
حورية فرغلي: الجمال مش كل حاجة
ومن ناحية أخري، حرصت حورية فرغلي علي توجية رسالة للفتيات قائلة: "الجمال مش كل حاجة، لو أنتي جميلة الناس هتقول وأو زي القمر، ولكن لما ياخدوا عليكي هيشوفوكي عادية جدا، واللي بيعيش فعلا هو إنك تتجوزي ويكون عندك ولاد، ودي الحاجة اللي ندمانة عليها".
واستكملت حديثها قائلة: "لو رجع بيا الزمن هتجوز للإن هو ده اللي كان هيعيش لي، أصل مين هياخد باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر".
مسلسل أيام
ويذكر أن شاركت الفنانة حورية فرغلي في مسلسل "أيام" وهو من بطولة كلا من حورية فرغلي، شيري عادل، رياض الخولى، أحمد صفوت، سلوي خطاب، محمود حجازى، ندى موسى، وحجاج عبدالعظيم، إنتاج صادق الصباح، ومن تأليف سماح الحريري، وإخراج محمد أسامة
