نوليا: أنا مريضة شراء.. والعالم كله في غلاء مش مصر بس

كشفت نوليا عن هوسها بالشراء خاصة إذا كانت تمر بمشكلة ما، موضحة أنها أصبحت ترشد في نفقاتها مؤخرًا بسبب الغلاء.

وقالت نوليا في مقدمة برنامجها “من غير نفسنة” الذي تقدمه مع الفنانة انتصار وبدرية طلبة، عبر شاشة قناة “هي”: أنا مريضة شراء، وممكن أي حاجة اشتريها، وأعمل أي حاجة وأنا مضايقة زي إني بصبغ شعري وده بفلوس كتير، وأشتري أي حاجة وبحب الجزم أكتر من الهدوم.

وتابعت: “العالم كله في غلاء مش مصر بس، والواحد كان غير عربيته أحسن بدل ما يشتري شنط، وعايزة أقول لكل ست أن خلاص مبقاش في فكرة أنك تخنصري من المصروف وتحوشي لأن المصروف كله قد كده يا دوب يكفي”.

وأضافت: "وعايزة أقول لكل راجل اللي كان بيداري على مراته مرتبه كام خلاص هو يادوب يكفيكم، والحياة هتجبرهم أن محدش هيعمل كده.

انتقدت نوليا في وقت سابق، عدم الاحترام الأشخاص لمواعيدهم، مؤكدة أن هناك العديد من الدول تقدمت بسبب احترامهم للمواعيد واستشهدت بدولة اليابان.

وقالت نوليا في برنامجها “من غير نفسنة”، الذي تقدمه مع الفنانة انتصار وبدرية طلبة، عبر شاشة قناة “هي”: أنا عندي مشكلة مع الناس اللي مبيحترموش المواعيد، في بلاد تقدمت بسبب احترامها للوقت، في كوكب اليابان اللي إحنا بُعاد أوي عنه لو القطر تأخر هناك 3 ثواني الشركة بتدي للركاب تذكرة هدية، تخيلوا إحنا فين من ده.

وتابعت نوليا: فكرة إن نروح في الميعاد بدري في مصر مش شياكة، تروح بدري وتقعد كده؟ لأ لأ.

لتعلق الفنانة بدرية طلبة، على حديث نوليا، قائلة: إحنا مش بنعمل حساب للوقت، الوقت بالنسبة لينا مالوش قيمة.

من غير نفسه 

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا،  يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.