أنغام بعد حفل جدة: "أعتقد الحفلة هتتكتب في التاريخ"

أحيت النجمة أنغام أمس الخميس وصلة طربية من أغانيها المميزة في حفل جدة الذي أقيم علي مسرح بنش بارك في المملكة العربية السعودية تحت عنوان «صوت مصر»، ولهذا السبب تصدرت أنغام في الساعات القليلة الماضية التريند عبر مؤشرات البحث علي موقع «جوجل»، بالإضافة إلى هاشتاج عبر «توتير» أنغام في جدة.

ماذا قالت أنغام عن حفل جدة ؟

وكشفت أنغام في المؤتمر الصحفي عن سعادتها بنجاح الحفل قائلة: «في الحقيقة لايوجد ما يصف ما بداخلي من سعادة كبيرة مما حدث في الحفل وتفاعل الجمهور، مشيرة إلى أن ذلك اسعدني وأدخل فرحة كبيرة وغريبة إلى قلبي، وشعرت أنه تم تتويج تعبي اليوم، وخاصة عندما غنى الجمهور معي، حتى الأغاني الصعبة».

وأضافت أنغام: «كأن الجمهور مولود النهارده وحاجة عجيبة، وكان جمهور رائع ويفرح وده اللي أنا عايشة عشانه، وجمهور جدة كان واحشني جدًا، لأني كان بقالي سنة غايبة عنهم، وكنت عايزة أعمل حفلة حلوة وهما فاجئوني وهما اللي عملوا الحفلة، وأعتقد الحفلة دي هتتكتب في التاريخ والجمهور كان غير عادي».

واستكملت أنغام متحدثة عن أعمالها القادمة، قائلة: «الأغنية الطويلة فكرة مطروحة ولكنها مش سهلة أوي، بس الأغنية الطربية موجودة يعني الجملة الطربية بنشوفها في معظم الأغاني اللي بغنيها، زي أغنية أناني دي لحنها طربي شرقي على أصوله، وأنا بسمع خليجي من صغري وكأني اتعلمت لغتي ولهجتي، ومش حاسة إن في فرق واللهجتين بحبهم، ولكن يمكن في الخليجي بغني أحسن ما أتكلم بيه لأن اللحن بيحكمني».

ماهي آخر أعمال أنغام الغنائية ؟

طرحت أنغام أحدث أغانيها بعنوان «سيبك أنت» علي هيئة فيديو كليب مصور من إخراج عادل جمال، وحققت الأغنية نجاحًا كبيرًا وتخطت 2 مليون و700 ألف مشاهدة عبر موقع الفيديوهات الشهير «يوتيوب»، والأغنية من كلمات الشاعر أمير طعيمة، ألحان وليد سعد، توزيع مادي، ميكس وماستر أمير محروس، إخراج عادل جمال.

كلمات أغنية «سيبك أنت»:-

أنا قولت أقولك أخباري
مــع أنـك أصــلا مـا سألتـــش
أنا من يوم بعدك محبوسة في نفس الأوضة
مسجونة في عالم أفكاري
مش عايشة لكن برده ما موتتش
تقدر كده يعني تقول إن أنا مش موجودة
سيبك أنت

أهم حاجة تكون مبسوط ومزاجك عال
وتكون بتنام مرتاح البال
لا ضمير بيأنب ولا كوابـــيس تقلــق نومــك
و مفيش مشكلة خالص لو حد بسببك ضاع
وفي ثانية تبيع وتقوله وداع
دي حاجات مَش مستاهلة عشانها تبوظ يومك

بقي ليلي بيشبه لنهاري.. والشمس بتشرق وبتغرب
و الدنيا بتمشي وتتغير وأنا على حالي
إحساس الوحدة الإجباري
بقي هو الأيد اللي تطبطب
بقى ونسي وصاحبي وهو الحاجة اللي بقيالي
سيبك أنت

أهم حاجة تكون مبسوط ومزاجك عال
وتكون بتنام مرتاح البال
لا ضمير بيأنب ولا كوابـــيس تقلــق نومــك
و مفيش مشكلة خالص لو حد بسببك ضاع
وفي ثانية تبيع وتقوله وداع
دي حاجات مَش مستاهلة عشانها تبوظ يومك
سيبك أنت