عمرو يسري:" نقابة المهن الموسيقية القديمة موقفتش جمبي في أزماتي.. وطلعوا عليا إني ببيع سندوتشات والشغل مش عيب"
كشف الفنان عمرو يسري عن عدم مساعدة نقابة المهن الموسيقية له في أزماته، بجانب حديثه عن الشائعات التي أطلقت عليه الفترة الماضية.
تصريحات عمرو يسري
وقال عمرو يسري، خلال حواره مع الإعلامية إنجي هشام في برنامج “المنسي” المذاع عبر شاشة قناة “هي”: في ناس متعرفش تعمل اللي بيعمله عمرو بمعنى إني أنا عضو عامل نقابة مهن موسيقية شعبة غناء، ورغم كده موقفتش جمبي ولا حد رفع منهم سماعة تليفون متفهميش ليه ولا حد من النقابة طبعًا القديمة.
وتابع عمرو يسري، متحدثًا عن الشائعات التي طالته الفترة الماضية، قائلًا": بجانب إني بغني بمثل وكمان زي ما بيقولو المعلم عمرو يسري السمسار، طبعًا قالوا عليا إني اشتغلت سواق وبيعت ساندوتشات مفيش كلام الهجايص ده".
وأضاف: "المسألة إني بحاول افتح الباب الحياة مش عيب إنك تشتغل، الشغلانة اللي إنتي هتشتغليها أيًا كان اسمها هتشتغليها بإسمك بالايمدج بتاعتك بالمكانة اللي إنتي فيها متهنش نفسك، لكن إنك أنت بتساعد نفسك في الحياة متطلبات الحياة كتير وبتحاول تقف جمب نفسك".
عمرو يسري:' في فنانين متعرفش تعمل حاجة غير الفن
اختتم عمرو يسري قائلًا: في فنانين معندهمش غير إنهم يقفوا قدام الكاميرا فقط لا يكلف الله نفسًا إلا وسعها، كل واحد عنده طاقة في واحد يقولي يا عمرو أنا مقدرش اشتغل غير قدام الكاميرا، لكن واحد زي عمرو يعرف يجري ويروح ويكون عنده موهبة، أنا برج الحوت ودماغي مبتقفش دماغي بتفكر في كذا حاجه.
ما هي مواعيد عرض برنامج المنسي؟
برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.
