حمزة نمرة يحقق 2 مليون مشاهدة بأغنيته الجديدة "رياح الحياة"

حقق الفنان حمزة نمرة نجاحًا كبيرًا بأغنيته الجديدة «رياح الحياة» من ألبومه الغنائي «رايق»، وتخطت مشاهدات الأغنية حاجز  الـ 2 مليون مشاهدة فى 5 أيام فقط من طرحها.

واحتلت أغنية «رياح الحياة» المرتبة الأولى فى قائمة الأغاني الأكثر استماعًا وتداولًا في مصر والوطن العربي، وهي من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.

ماذا قال حمزة نمرة عن أغنية رياح الحياة ؟

تحدث الفنان حمزة نمرة عن قصة أغنية «رياح الحياة» خلال استضافته ببرنامج «أجمد 7» عبر إذاعة «نجوم إف إم»، تزامنًا مع طرح الأغنية على «اليوتيوب» وقال: «بعتبر أغنية رياح الحياة من أبرز الأغاني اللي موجودة في الألبوم، وهي بتحكي عن قصة حقيقية عن فترة التجاوز ما بعد العلاقات الفاشلة، وتحدثت مع الشاعر محمود فاروق عن فكرة الأغنية وأننا ننفذها بنوع من الطبطبة الذاتية، ومحمود كتب الكلام مرة واحدة وكان بشكل مُتسلسل وكلام بيسلم كلام، ومقدرتش أشيل جمل كتير».

وتابع: «فكرة التجاوز مش بس بتكون في العلاقات العاطفية لا والاجتماعية أيضًا، ولما جيت أنفذ الأغنية لحنتها واتعلقت بيها وبكلماتها، ودائمًا بحرص علي أخذ رأي أصدقاء مقربين مني وأثق في رأيهم منهم زوجتي وأولادي، وهما شاوروا على هذه الأغنية بالذات، ولذلك كنت بحاول أعمل أحسن حاجة فيها عشان تطلع للجمهور بشكل كويس».

كلمات أغنية «رياح الحياة»:-
 

تهبي يا رياح الحياة دايما بما لا اشتهيه
واللي السنين مقدماه غير اللي قولت نفسي فيه
يلاقي قلبي فين دواه
واللي اذاه اقرب ما ليه دة جرح بيعلم

وصعب تسكن الالام واخرج من اللي فات سليم
وصعب لما اروح انام مفضلش اراجع القديم
طلع مكلف العلام
وخدت درس في الصميم ولسة بتعلم

ركز يا قلبي في اللي جاي والف شكر للي باع
ما صانش حتى بوق شاي سلام يا 300 وداع
واللي لقانا مايساعوش ف خانة الوداع تساع
مشاعرنا مش لعبة

ما تتشغلش باللي فات خليك يا قلبي في المفيد
كبر لاي ذكريات ركز وبس في الجديد
لازم تقسم الخانات بمين قريب ومين بعيد
الحسبة مش صعبة

فرحت م الساعات ساعات
ودوقت م الحاجات حاجات
وعشت م السنين سنين
ونابني م اللي فات فتات
وم الحبيب جواب حزين

واسئلة بلا اجابات حيرة ورا حيرة
حتى السعادة يوم ويوم حتى المحبة خد وهات
وكله كوم وكومي كوم زمن بيرمي افيهات

وزي عادتي اصوم اصوم
واسد جوعي ذكريات وافضها سيرة
اخرتها يا زمن عنيد كله سبق وانا الوحيد
اللي مشيت وراه سراب واللي بدات من جديد

الكل شاف اللي وراه
حاسبت انا ع المشاريب لوحدي كالعادة
مش باقي غيري في المكان
مش باقي حاجة من اللي كان

مش باقي غير وجع زمان
وهمس ذكرى في الودان
طاوعت حظى لما قال
اصبر لكل شيء ادان يا حظ ما تادن