بدرية طلبة: "إزاي واحدة فرحانة بالطلاق خراب البيوت مش بالساهل.. وكلمة عانس مؤلمة نفسيًا"

وجهت الفنانة بدرية نصيحة للفتيات بعدم الانصياع وراء السوشيال ميديا والتباهي بالانفصال عن الزوج، مؤكدة أن هدم الحياة الزوجية ليس أمرًا سهلًا، ولكن قرار الطلاق يكون صحيح في حالات خاصة. 

وقالت بدرية طلبة، في مقدمة برنامجها “من غير نفسنة”، الذي تقدمه مع الفنانة انتصار ونوليا، عبر شاشة قناة “هي”: يعني إيه سينجل ومش سينجل إحنا عايزين نلم الدنيا، ليه الطلاق وكل واحد يروح لحاله وتفرح؟ بنلاقيه على فيسبوك مكتوب إنها متزوجة وفرحانة، وتاني يوم تقول باركولي أنا سينجل، نباركلك على إيه؟ هو خراب البيوت بالساهل؟!.ز

بدرية طلبة توجه رسالة للفتيات

وتابعت بدرية طلبة: عايزين نلم الدنيا وحالات الطلاق زادت أوي يا جماعة، وبتلاقي نفسك محتاسة في كل شئون حياتك، لكن لو الإنسان اللي في حياتك ميؤوس منه فأنا معاكي إنك تطلقي، أبغض الحلال عند الله الطلاق، لكن لو الحاجة تتصلح صلحيها يا بنتي وخلصي.

وأضافت: كلمة عانس تقيلة أوي، وبرا مصر الكلمة دي عندهم عيب، وأنا بقولهم دي بنهزر عندنا بيها، ولكن هي كلمة مؤلمة نفسيًا.



 

بدرية طلبة تتحدث عن الإعلام

تحدثت الفنانة بدرية طلبة عن الإعلام وقالت: "لما البرامج بتستضيف حد معملش حاجة خالص، الباقي بيقولوا ما نعمل زيه، المهم يكتبوا اسمي، بتاع الكشري ده جاب منين العربية والتليفون اللي معدي الـ 40 ألف جنيه، جيبوه وإسألوه جاب كل ده منين؟، الإعلام لو معبرش الناس دي هتتلم، ومش هيبقى شكلنا وحش أوي قدام الدول، وبشوف تعليقات قاسية أوي.

من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا،  يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.

بدرية طلبة تنصح السيدات

أكدت الفنانة بدرية طلبة، أنها تعتمد على ابنتها في تدبير أمور المنزل، موضحة أنه أصبح لا يوجد رفاهية لشراء أشياء زيادة عن حاجة المنزل.

وقالت بدرية طلبة: " الأول كنت أنزل أجيب طلبات بيتي، ولكن دلوقتي بناتي اللي بيروحوا، والأسعار زادت شوية بقيت الحاجات كل كام يوم مش طلبات الشهر، وكل واحدة تقدر تدبر نفسها، ومبقاش في رفاهية نجيب زيادات.

وتابعت: ما دام أنا مش عارفة أدور الدنيا أخلي زوجي العزيز يدير الدنيا، والناس دلوقتي بقت واعية وعارفة أن في غلاء جامد ومبقتش تشتري زي الأول، الدنيا هديت شوية.

وأضافت: في جيران تلاقيها حالتهم زنقت شوية، إيه المشكلة في الظروف اللي إحنا فيها دي يساعد اللي حواليه؟ الأكل اللي بيفيض.