اتفرج وبعدين احكم.. ماندو العدل يدافع عن هشام عاشور

وجه المخرج ماندو العدل رسالة ليرد بها على منتقدي مشاركة هشام عاشور في مسلسل عملة نادرة مع زوجته نيللي كريم، مؤكدًا أنه فنان موهوب ولم يدخل التمثيل بالواسطة.

وقال ماندو العدل  في تصريحات إذاعية: الناس متضايقة من هشام عاشور لأنه زوج نيللي وشايفين إنه بيشارك في الأعمال بالواسطة، إنما هو اشتغل معايا في فيلم الملحد، وحظنا بس أنه لسه منزلش وأنا اللي رشحته لمسلسل عملة نادرة، ومش فارق معايا طريقة الناس في التفكير والمهم النتيجة.

وأضاف: هشام عاشور في الآخر مش شغال لأنه زوج نيللي.. بالعكس تعاون مع ممثلين كتير منهم يسرا، وخلينا نحكم عليه من موهبته مش من صلة القرابة ليه نهاجمه؟، وبقول للمشاهد اتفرج وبعدين أحكم.

حقيقة الخلاف نيللي كريم ومحمد رمضان

وفي وقت سابق، رد ماندو العدل على شائعات وجود خلاف بين نيللي كريم ومحمد رمضان في فيلم ع الزيرو، قائلًا: معنديش أي معلومة عن وجود خلاف بين نيللي كريم ومحمد رمضان في فيلم ع الزيرو، بالعكس صورت الفيلم وكل حاجة كانت عاجباها وكانت مبسوطة بالدور وشكرتنا آخر يوم تصوير.

وأضاف ماندو العدل: نيللي مخدتش إجازة بقالها فترة طويلة جدا من رمضان وسافرت وأخدت إجازة إنما مش زعلانة ولا علقت على الأفيش، ونيللي والعدل جروب سنين من النجاحات سوا، ولو فيه أي حاجة اتفقنا عليها أكيد هتتعمل، إنما فين الخلاف؟

ما هي قصة فيلم ع الزيرو؟ 
 

تدور قصة الفيلم في إطار من الحركة والتشويق، حول “حمزة” الملقب بـ "دراجون"، ولديه طفل مريض يسعى لعلاجه لكن حالته المادية متعثرة، ثم تتطور الأحداث ليصبح واحدا من الأغنياء من خلال دخوله عالم تجارة الأعضاء البشرية.

من هم أبطال فيلم ع الزيرو؟ 
 

الفيلم بطولة النجم محمد رمضان والنجمة نيللي كريم، چومانا مراد، خالد الصاوي، محمد لطفي، شريف دسوقي، إسلام إبراهيم، تأليف د. مدحت العدل وإخراج محمد العدل ومن إنتاج جمال العدل.

كم إيرادات فيلم ع الزيرو؟

وحقق فيلم ع الزيرو مساء أمس إيرادات بلغتها قيمتها 535 ألف و717 جنيه ليحتل المركز الثاني في قائمة شباك التذاكر.