حكيم لـ جمهوره في جده: قضيت وقت جميل معاكم

عبر المطرب حكيم عن سعادته الكبيرة، بعد نجاح حفله الأخير الذي أحياه أمس الجمعة في جدة، وقام بتوجيه رسالة شكره إلى جمهوره هناك، وذلك من خلال حسابه الشخصي على موقع تبادل الصور والفيديوهات "إنستجرام". 

نشر حكيم صورة جديدة له، وعلق عليها قائلًا: "جمهوري الجميل في جدة أتمنى تكونوا اتبسطوا النهاردة ربنا يسعدكم أنا قضيت وقت جميل معاكم النهاردة في الحفلة"، وانهالت عليه التعليقات والتفاعلات من جمهوره ومحبيه تهنئه بنجاح الحفل.

ما هي آخر أعمال الفنان حكيم؟ 

يشار أن آخر أعمال المطرب حكيم هي أغنية "سيبه" والتي تم طرحها في موسم الصيف منذ أيام.

من هم فريق عمل أغنية "سيبه"؟ 

أغنية "سيبه" لحكيم من كلمات محيى حوار، وألحان هاني فاروق، وتوزيع باسم منير، ومكساج المهندس أحمد جودة، وصوّرها بطريقة الفيديو كليب، وذلك بالتزامن مع أغاني موسم صيف 2023.

كلمات أغنية "سيبه" لحكيم

سيبه سيبه اه يا قلبي وسيبه
والشوق هيجيبه يمسحلك جوخ
سيبه سيبه اه يا قلبي وسيبه
يلعب الاعيبه واهو مهما تبوخ
سيبه سيبه اه يا قلبي وسيبه
والشوق هيجيبه يمسحلك جوخ
سيبه سيبه اه يا قلبي وسيبه
يلعب الاعيبه واهو مهما تبوخ
لازم يجي يقول سماح
لازم يندم ع اللي راح
لازم يجي يقول سماح
لازم يندم ع اللي راح

على ايه منفوخ
عادي عادي واهو مهما يعادي
لا يحب بعادي ولا يستغناش
عادي عادي ان افضل انادي
ويزيد في عنادي وعايشها طناش
بس جايله برضه يوم يسهر ويعد النجوم
بس جايله برضه يوم يسهر ويعد النجوم
ليه يلاوعني ما يطاوعني
ليه يلاوعني ما يطاوعني
ده معايا هيدوخ
سيبه يبعد سيبه يعند
سيبه يعمل انك دايما مش فارق معاه
سيبه يرسم سيبه يحلم
سيبه يركب اعلى خيله هيجيني بهواه
سيبه يبعد سيبه يعند
سيبه يعمل انك دايما مش فارق معاه
سيبه يرسم سيبه يحلم

يراضيني يداديني يراضيني يداديني
وابقى انا مرتاح
لازم يجي يقول سماح
لازم يندم ع اللي راح
لازم ييجي يقول سماح
لازم ع اللي راح
عايز اقوله ليه ده كله
عايز اقوله ليه ده كله على ايه منفوخ

داري داري اه يا قلبي وداري ناري
ومراري خليك لعيب
داري داري اه يا قلبي وداري
واهو مهما يداري أو مهما يغيب
بكرة يجي يا قلبي ليك
بكرة يجي يقول شاريك
بكرة يجي يا قلبي ليك
بكرة يجي يقول شاريك
لا هعاتبه ولا احاسبه لا هعاتبه ولا احاسبه
ابو طبع غريب
ماشي ماشي يا قلبي وماشي والتقل ده صنعه وليها اصول
ماشي ماشي يا قلبي وماشي لو حتى مجاشي اصبر هتنول
الكلام لو كان يفيد كنت هحكي كتير واعيد
الكلام لو كان يفيد كنت هحكي كتير واعيد
بس عادي كله عادي بس عادي كله عادي واهو كله نصيب
سيبه يبعد سيبه يعند سيبه يعمل انك دايما مش فارق معاه
سيبه يرسم سيبه يحلم سيبه يركب اعلى خيله هيجيني بهواه
يراضيني يداديني يراضيني يداديني
وابقى انا مرتاح
لازم يجي يقول سماح
لازم يندم ع اللي راح
لازم ييجي يقول سماح
لازم ع اللي راح
عايز اقوله ليه ده كله
عايز اقوله ليه ده كله على ايه منفوخ