بعد نجاح "حكايتنا منهية".. رامي جمال لـ جمهوره: "اللي بشوفه في عيونكم من حب دي مسؤولية كبيرة"

أعرب النجم رامي جمال عن سعادته الكبيرة بنجاح أغنيته الجديدة "حكايتنا منهية"، وقام بتوجيه رسالة لجمهوره، أكد فيها على أن حبهم له مسؤولية كبيرة ونعمة من الله عليه، وذلك من خلال حسابه الشخصي على موقع تبادل الصور والفيديوهات "إنستجرام".

ماذا قال رامي جمال لجمهوره بعد نجاح أغنية “حكايتنا منهية”؟ 

نشر رامي جمال صورتين جديدتين له، وعلق عليهم قائلًا:"أنا عاوز اقولكم حاجه أنا بحبكم جدًا واللي بشوفه أما بقابل حد منكم واللي بشوفه في عيونكم من حب دي مسؤولية كبيرة ونعمة من ربنا إن شاء الله تخليني أركز جدًا إني أقدم فن من اللي نفسكم فيه مني".

وتابع:"وبصراحة أنا وأنا بعكنن عليكم في الغنوة كنت في اجازتي وفرحان فيكم".

و تصدر رامي جمال تريند "يوتيوب" بأغنيته الجديدة "حكايتنا منهية"، التي طرحها منذ أيام قليلة، مُحققًا من خلالها نجاحًا كبيرًا، حيث تصدرت المركز العاشر في قائمة الفيديوهات الأكثر مشاهدة عبر" يوتيوب"، كما وصل عدد مشاهدات الأغنية إلى 366ألف مشاهدة.

من هم صناع أغنية  "حكايتنا منهية" لـ رامي جمال؟

أغنية "حكايتنا منهية" من كلمات محمد أبو نعمة، توزيع نابلسي، ألحان وإنتاج رامي جمال، تسجيل الغناء إلهامي دهيمة وأحمد حسام، ميكس وماستر خالد سند.

كلمات أغنية "حكايتنا منهية" لـ رامي جمال

"فاكر زمان أنا قولت نتحمل وأدينا بإيدينا روحنا لبُعدنا ورضينا بيه.. جاي بعد إيه بتقولي تاني نعيد ماضينا مبقاش خلاص إحساس ما بينا نخاف عليه.. فاكر زمان أنا قولت نتحمل وأدينا بإيدينا روحنا لبُعدنا ورضينا بيه.. جاي بعد إيه بتقولي تاني نعيد ماضينا مبقاش خلاص إحساس ما بينا نخاف عليه..أمانة روح وارتاح أنا بقيت مرتاح ضاعوا خلاص أحلامنا أظن كفاية.. كانوا يومين أيام ده لو خير كان دام دانا هاضيع قدام لو انت معايا.. كده فراق خلصان ده ولا وعد اتصان أنا صحيت والرؤيا بقت وضحالي.. أنا خلاص مش ليك لو أنا جيت هأذيك منا سنين ضحيت ومين ضحالي.. أنا وانت خلاص حكايتنا منهية أديني مشيت وقفلت على الماضي رجوعك فكرة بالنسبالي ملغية ومن غيرك هعيش عادي.. أنا وانت خلاص حكايتنا منهية أديني مشيت وقفلت على الماضي رجوعك فكرة بالنسبالي ملغية ومن غيرك هعيش عادي.. أمانة روح وارتاح أنا بقيت مرتاح ضاعوا خلاص أحلامنا أظن كفاية..كانوا يومين أيام ده لو خير كان دام دانا هاضيع قدام لو انت معايا.. كده فراق خلصان ده ولا وعد اتصان أنا صحيت والرؤيا بقت وضحالي.. أنا خلاص مش ليك لو أنا جيت هأذيك منا سنين ضحيت ومين ضحالي".