علاء مرسي لـ الفجر الفني عن انتقاد "مرعي البريمو": "الناس دي مش تصريحات دي بحث عن تريند" (خاص)
نفى الفنان علاء مرسي أكثر من تصريح قد تداولته بعض الصحف خلال الأيام السابقة وذلك خلال حوار خاص لـ الفجر الفني، وهو ما نرصده لكم خلال السطور التالية.
أبرز التصريحات التي نفاها علاء مرسي وتم نقلها عبر الصحف:
- علاء مرسي: الجمهور منتقدش الفيلم والجمهور بسيط
أكد علاء مرسي أن جمهور فيلم "مرعي البريمو" لم ينتقده، وذلك في تصريح خاص لـ الفجر الفني، فقال: "الجمهور منتقدش الفيلم، الجمهور اللي هو إنه ي! أنهي جمهور اللي انتقد الفيلم، اللي هم ايه! اللي هم النقاد السوشيال ولا النقاد الحقيقيين ولا الجمهور البسيط اللي بيدخل يستمتع أنهي فيهم اللي انتقد الفيلم".
- علاء مرسي: لو اتعرض عليا الدور تاني مش هعمل تاني إلا إذا..!
نفى الفنان علاء مرسي التصريح المنتشر عبر الصحف الذي ينص على "لو اتعرض عليا فيلم مرعي البريمو تاني هطلب تعديل"، ليرد عليه لـ الفجر الفني قائلا: "أنا قولت لو اتعرض عليا الدور تاني مش هعمل تاني إلا إذا.. إلا إذا لا تقربوا الصلاة أنا والله مش عارف أقول لحضرتك إيه".
- علاء مرسي: الناس دي مش تصريحات دي بحث عن تريند
تابع الفنان علاء مرسي في نفيه التصريحات المتداولة، وقال لـ الفجر الفني: "الناس دي مش تصريحات، دي بحث عن تريند، عن حاجات هم عاوزين يعملوها لنفسهم".
- علاء مرسي: نفسي أعرف ده مين لما يهاجمنا كده
أضاف الفنان علاء مرسي على نفيه لبعض التصريحات السابقة، الرد على البلوجر محمد طاهر الذي انتقد فيلم "مرعي البريمو" فقال: "أنا نفسي أعرف ده مين وبيشتغل ايه لما يهاجمنا بقلة الأدب دي!".
- علاء مرسي: ده واحد في جورنال اسمه الوطن وهم دول النقاد؟
أعرب علاء مرسي عن غضبه الشديد بشأن ذلك النقد الذي انتشر عبر السوشيال ميديا عن فيلم "مرعي البريمو" والفنان محمد هنيدي، وأرسل لـ الفجر الفني منشورا عن أحد الصحفيين من موقع آخر، وقال: "ده واحد في جونال اسمه الوطن، رئيس تحرير مش عارف الفن المفروض، هل دول النقاد؟! دول النقاد اللي بقوا في مصر! دي مصيبة سودة دي ناس بتعمل سب وقصف".
