"مروق".. هاني شاكر يطرح أحدث أغانيه لـ صيف ٢٠٢٣ (فيديو)

طرح منذ قليل النجم الكبير هاني شاكر أحدث أغانيه بعنوان «مروق»، وذلك عبر قناته الرسمية على موقع الفيديوهات الشهير «يوتيوب» ومنصات الموسيقي المختلفة.

واستخدم هاني شاكر في أغنية «مروق» تقنية الذكاء الاصطناعي، حيث لاقت إعجاب الكثير من جمهوره، وجاءت الأغنية من كلمات وألحان مصطفي شكري، توزيع أحمد أمين، وإنتاج محمد علام كيوب ميوزك والشريك الرقمي فيكتوري لينك وميكس وماستر أسامه الهندي.

كلمات أغنية مروق

المزاج مروق والكلام مزوق 
صاحي أنا النهارده مش هاممني
الهموم راميها... احزان لاغيها... 
ومعادش فيها إلى شاغلني

فضي فضي فضي الدماغ وقضي 
كل يوم بيومه ليه حاسبها 
روح لناس تضحك.. خلي الفرح صحبك 
اي فتره غامقه روح وسيبها

خد يومين تفرفش ع السعادة فتش
خد ايه إلى حوش عيش حياتك 
روح سافر وطير..غير جو غير.. 
انت إلى بايديك الوان حياتك

عدي عالي واحشك.. قولو إنه واحشك
قرب البعيد ماتسيبش زعله 
رجع إلى ماشي..ومن زمان مجاشي
مد الايد بحب هتبقي اعلي

حاوط ع الحبايب.. واسأل ع إلى غايب 
والي فينا سايب الف ذكري 
صفي القلب صفي.. واشتري إلى يوفي
الليلادي سهره لحد بكرا

حفل هاني شاكر في مهرجان القلعة الدولي للموسيقي والغناء 

وعلي صعيد آخر، يستعد الفنان الكبير هانى شاكر لإحياء حفلًا غنائيًا جديدًا يوم الأحد الموافق 27 أغسطس الجارى، وذلك ضمن فعاليات الدورة الـ 31 من مهرجان القلعة الدولي للموسيقى والغناء، المُقام بمسرح المحكي بقلعة صلاح الدين الأيوبي.

ويذكر أن الفنان هاني شاكر طرح مؤخرًا أحدث أغنياته بعنوان «الكبير»، وذلك عبر قناته الرسمية على موقع الفيديوهات الشهير «يوتيوب»، وجاءت الأغنية من كلمات وألحان مصطفى شكري، توزيع أحمد أمين، ميكس وماستر أسامة الهندي.

وتقول كلمات أغنية "الكبير" لـ هاني شاكر كالتالي:-

الكبير لما يغيب
الحبال هوا بتسيب
واللي مالهوش فيها بقى ليه
بقى كل همه يقول أفيه
كله صدّق نفسه خلاص
والعويل اتشال عالراس
وانا شاري مخي وبتفرج
على ناس بتهري وبتهرج
واللي كان مربوط قدامي
ما صدق إنه بيتحرك

أنا اللي بدأها وانا اللي بدعها
وانا اللي معايا السر بتاعها
وزي أنا مانا قادر أطفي النار
النار كمان قادر أولعها

أنا اللي بدأها وانا اللي بدعها
وانا اللي معايا السر بتاعها
وزي أنا مانا قادر أطفي النار
النار كمان قادر

الموهمين يجوا كدا على جنب
والخوافين واللي ملهوش قلب
فضي الميدان علشان مليان
في رغي وقواله
اللعبه دي ليها ابطالها
وانا يوم ما هخسر هبطلها
كتر الكلام وعشان ببلاش
محتاج له رجاله

أنا اللي بدأها وانا اللي بدعها
وانا اللي معايا السر بتاعها
وزي أنا مانا قادر أطفي النار
النار كمان قادر أولعها

أنا اللي بدأها وانا اللي بدعها
وانا اللي معايا السر بتاعها
وزي أنا مانا قادر أطفي النار
النار كمان قادر

الكبير لما يغيب
الحبال هوا بتسيب
أنا مأسسها أنا عنواني الجدعنه
اليوم عندي يساوي من أيامكم سنة
أنا مأسسها أنا عنواني الجدعنة
اليوم عندي يساوي من أيامكم سنة

أنا اللي بدأها وانا اللي بدعها
وانا اللي معايا السر بتاعها
وزي أنا مانا قادر أطفي النار
النار كمان قادر أولعها

أنا اللي بدأها وانا اللي بدعها
وانا اللي معايا السر بتاعها
وزي أنا مانا قادر أطفي النار
النار كمان قادر

الكبير لما يغيب
الحبال هوا بتسيب