حماقي:" أغنية بعدنا ليه كنت بتكلم فيها عن نفسي.. ولازم الفنان يكون عنده مشروع بيقدمه مينغيش وخلاص"
تحدث محمد حماقي في تصريحات إذاعية عن الأغاني التي قصد بها الحديث عن نفسه وعن أهمية الفن، مُوضحًا: "فيه أكثر من أغنية بمشواري كنت بتكلم فيهم عن نفسي، زي ما بلاش وبعدنا ليه، ولكن المغني الشاطر هو ممثل شاطر لازم يكون عنده القدرة على التعبير عن مشاعر الناس، الغناء تمثيل صوتي، أنت بتمثل حالة الأغنية بصوتك".
حماقي: الفن مش ترفيهي فيه جزء تثقيفي مهم
وعن أهمية الفن، قال: "الفن مش ترفيهي فقط، هو فيه جزء تثقيفي مهم جدًا ومينفعش نغفل عنه، والشعب العربي راقي وعنده عادات وتقاليد لازم طول الوقت نكون بنحترمها".
وأشار حماقي عن سر استمراره في الوسط الفني بهذا الشغف: "الإخلاص والشغف للي بقدمه وعندي أهداف في الفن، ولازم الفنان يكون عنده مشروع وشيء بيقدمه وفيه حاجة جواه بتحركه، مش بس صوته حلو وبيغني وخلاص".
ما هي عدد مشاهدات أغنية "ده قلبي ده" لحماقي ؟
طرح النجم محمد حماقي أحدث أعماله الغنائية والتي تحمل اسم "ده قلبي ده"، واستعان حماقي بموسيقار الأجيال محمد عبد الوهاب لتلحين أغنيته الجديدة، والأغنية من كلمات أمير طعيمة وتوزيع تميم.
وحققت أغنية "ده قلبي ده" لحماقي نجاحًا كبيرًا حيث وصلت عدد مشاهدات أغنية "ده قلبي ده" إلى مليون و200 ألف مشاهدة عبر موقع الفيديوهات الشهير يوتيوب.
حفله يستعد لها حماقي
ويستعد المطرب محمد حماقي لإحياء حفلًا غنائيًا كبيرًا في الأردن، من المقرر إقامته يوم الخميس الموافق 24 أغسطس الجاري، وذلك ضمن حفلات مهرجان ليالي عمان.
ما هي أسعار تذاكر حفل محمد حماقي في الأردن؟
وقسمت أسعار تذاكر حفل محمد حماقي في الأردن على أربعة فئات مختلفة الأولى ب 50 دينارًا أردنيًا أي ما يعادل 2،188 جنيهًا، والفئة الثانية بـ 100 دينار أردني أي ما يعادل 4،377 جنيهًا، والفئة الثالثة بـ 150 دينارًا أردنيًا أي يعادل 6،565 جنيهًا، والفئة الرابعة والأخيرة بـ 200 دينار أردني أي ما يعادل 8،754 جنيهًا.
ما هي أحدث أعمال محمد حماقي؟
وطرح حماقي 3 أغاني قبل هذه الأغنية، ضمن اغاني موسم الصيف الذي يطرحها الفنانين، وهم ليمون نعناع، مش كفاية فراق، حبيت المقابلة.
أغنية ليمون نعناع من كلمات الشاعر فلبينو أحمد وجيتار شريف فهمي وماجد الصواف وأسامة الصغير، وأغنية حبيت المقابلة من كلمات تامر حسين وألحان عزيز الشافعي توزيع موسيقي وميكس توما.
كلمات أغنية " مش كفاية فراق":
مشاوير ذكريات وسنين
تفاصيل هنلاقيها في مين
وسؤال كل يوم بالليل
راجعين ولاّ مش راجعين
حواديت زي حب زمان
عناوين روحنا كل مكان
أيام مش بتيجي كتير
أيام تغلب النسبان
يا فراق مش كفاية فراق
هرتاح إمتى من الأشواق
وديت ليه حبيبي بعيد
أوجاعي كل يوم بتزيد
يا فراق مش كفاية فراق
يا فراق جاي عالعشاق
يرضيك هو إحنا أي اتنين
ما تروح روح لناس تانيين
في اليوم ألف مرة بموت
بيبان إني مش مبسوط
وهجيب فرحة تاني منين
عالفاضي عمري بقى بيفوت
الباب متقفلش وراه
كذاب لو هقول أنساه
وهعيش عالأمل ده هعيش
دي حياتي كلها ويّاه
يا فراق مش كفاية فراق
هرتاح إمتى من الأشواق
وديت ليه حبيبي بعيد
أوجاعي كل يوم بتزيد
يا فراق مش كفاية فراق
يا فراق جاي عالعشاق
يرضيك هو إحنا أي اتنين
ما تروح روح لناس تانيين
