بعد الجدل حول اللقب.. عمرو مصطفى: لو عايزين الحقيقة أنا صوت مصر

انتشر خلال الفترة الماضية جدل واسع بين رواد مواقع التواصل الاجتماعي حول من تستحق لقب صوت مصر وكان بعضهم من يختار أنغام والبعض الآخر شيرين والبعض آمال ماهر.

وبعد الجدل نشر الفنان عمرو مصطفى منذ قليل منشورًا عبر حسابه الشخصي بموقع التواصل الاجتماعي فيسبوك، يكشف به أعمال الفنانين الذين قدموا أغاني لمصر وفجر هذه المفاجأة حول من يستحق صوت مصر.

عمرو مصطفى يكشف من يستحق لقب صوت مصر

وقال عمرو مصطفى: "صوت مصر عدد ما قدمه الفنان لمصر زمان كانوا أصوات مصر أم كلثوم لأنها غنت لمصر أعمال فنيه أثرت في الشعب في ذلك الوقت، عبد الحليم كذلك والفنانة شادية، شيرين قدمت مشربتش من نيلها الأكثر انتشارًا في هذه الحقبة وأغاني أخرى، آمال ماهر قدمت طوبة فوق طوبة ويا مصريين وأغاني أخرى، أنغام أيضًا قدمت أغاني لمصر جميلة".

وتابع مصطفى: أحمد جمال قدم تحيا مصر تحيا من أشهر الأغاني الوطنية، وهنا يبقي رأي الشعب المصري إيه أكثر الأغاني آثرت فيه لمصر، ولو عايزين الحقيقية أنا صوت مصر، ليه بقى علمونا في مدرستنا، بمشربتش من نيلها، بطوبة فوق طوبة، ببشره خير".

واختتم:" بصوا شوفوا مصر عامله إيه علشان أنتي أتحدى أي مستحيل، وكل الأغاني السابقة بعدد ما قدمه الفنان لوطنه صح ولا ايه يا بتوع المدارس ولا العمر يروح هدر علشان شويه إعلام مغيب وشويه أشخاص بيوزعوا الألقاب علي مزاجهم".

آخر أعمال عمرو مصطفى

يذكر أن آخر أعمال المطرب والملحن عمرو مصطفى، أغنية افتكرلك إيه، بصوت الفنانة مي فاروق، عبر قناته الرسمية على يوتيوب ومختلف منصات الاستماع في الوطن العربي، وهي أولى أغاني مشروع إحياء التراث.

وأغنية افتكرلك إيه من ألحان ومقدمة وفواصل موسيقية لـ عمرو مصطفى، وتوزيع المايسترو نادر حمدي، والفرقة الموسيقية هي: كمان أمير سمير، شيللو إيهاب سمير، إيقاع رائد سيكا، عود إسلام ابتي، قانون مايكل فؤاد.

كلمات أغنية افتكرلك إيه

ماضينا بحلوه وبمرّه
قُليّل لما بفتكره
سنين العمر بيمرّوا
وبينسّوا اللي فات كله

وقول قول
مهما تقول مهما تقول
مهما حاولت تفكرني
عيد عيد
مهما تعيد مش هيفيد
طول البعد ده غيَّرني

وافتكر لك ايه
افتكر لك ايه
افتكر آخر وداع
ولا قلبك لما باع
جاي بتصحي فجراحي
وتعتذرلي بعد ايه

الجرح اما يزيد عن حده
شوقنا ولهفتنا بيتهدوا
واللي زمان ما عملش بوعده
ازاي يتآمن بعدين

احنا خلاص من بعضنا شيلنا
والحب ده مبقاش على بالنا
اتغيّرنا ومهما عمَلنا
احنا بقينا اتنين تانيين

وافتكر لك ايه
افتكر لك ايه
افتكر آخر وداع
ولا قلبك لما باع
جاي بتصحي فجراحي
وتعتذرلي بعد ايه