"مش سليم" لـ حمزة نمرة تحقق مليون ونصف مشاهدة على يوتيوب

حققت أغنية «مش سليم»، للمطرب حمزة نمرة نجاحًا كبيرًا، ووصلت إلي مليون ونصف المليون مشاهدة خلال أسبوع فقط من طرحها عبر موقع الفيديوهات الشهير «يوتيوب».

“مش سليم” تتصدر تريند يوتيوب

وتصدرت أغنية «مش سليم»، التريند رقم 2 على يوتيوب الموسيقي، كما احتلت قائمة الأغاني الأكثر استماعًا وتداولًا في مصر والوطن العربي، وجاءت الأغنية من كلمات محمود فاروق، ألحان أندريه مينا وحمزة نمرة، توزيع وميكساج أندريه مينا، جيتار وعود حمزة نمرة، تنفيذ وتريات أحمد عاطف.

كلمات أغنية مش سليم

جزء كان تعبان وخف
وجزء لسه للأسف
كان زمان عفريت دفنته
بعد فترة رجعلي ألف
مش يا ماضي لسه سايبك
إيه بقى تاني اللي جايبك
كنت ماشي خلاص كويس
مرّة واحدة شريطي سف
تاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ما هو يا انا يا انت الليلادي
تاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ماهو يا انا يا انت الليلادي
مش قفلنا الصفحة ديا
واتفقنا خلاص يا وحش
مش ردمنا على قديمنا
غطيناه بتراب وقش
شفتني عايش في وِحدة
قلت ترجع وحدة وحدة
كل حبة تغيب وتيجي
تنطلي وعاملني عِش
وتاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ماهو يا انا يا انت الليلادي
وتاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ماهو يا انا يا انت الليلادي
عارف اني مش سليم
لسه غارز في القديم
لسه كل ليلة بدخل
ويا نفسي في سين وجيم
قلي عاوز ايه جاوبني
روح لحالك ليه تاعبني
مرّة واحدة سبني امشي
وادوس على الماضي الأليم
وتاني تاني
ارجع واكسرني تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ماهو يا انا يا انت الليلادي
وتاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ماهو يا انا يا انت الليلادي

تفاصيل عن ألبوم رايق

يقدم المطرب حمزة نمرة موسيقي مختلفة فى ألبوم «رايق»، وتتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت، ويتضمن الألبوم 13 أغنية وتم إصدار 8 أغنيات منهم على هيئة كليبات مصورة، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».

وفي سياق متصل، يطرح نمرة غدًا الأربعاء أغنية جديدة بعنوان «عالم كدابة»، بالتزامن مع إطلاق أغنيته الثانية «أكيد راجعين»، من ألبومه الغنائي «رايق»، وذلك فى تمام الساعة السابعة مساءً بتوقيت القاهرة عبر قناته الرسمية بموقع الفيديوهات الشهير «يوتيوب» ومختلف المنصات الغنائية الرقمية.