بعد تعرضها للانتقادات.. أسما شريف منير تخرج عن صمتها "ده شعري مش شعرك"

شاركت الفنانة أسما شريف منير متابعيها مجموعة من الصور الجديدة لها في أحدث ظهور لها خلال مهرجان القاهرة للدراما من مدينة العلمين الجديدة، وذلك عبر حسابها الشخصي بموقع تبادل الصور والفيديوهات "إنستجرام".

شاهد إطلالة أسما شريف منير من مهرجان القاهرة للدراما 

وظهرت الفنانة أسماء شريف منير بإطلالة مثيرة مما أثارت جدل جمهورها ومتابعيها، مرتدية فستان لامع مكشوف الأكتاف والارجل ومن الناحية الجمالية واضعة ميك اب يليق بهذه الإطلالة، وكانت حالقة شعرها تمامًا، وهذا الأمر الذي دفع جمهورها ينتقدها، ولاكن خرجت الفنانة أسماء شريف منير عن صمتها وخرجت لترد على هذه الانتقادات.

أسما شريف منير ترد علي الانتقادات الموجهة لها 

وعلقت على هذه الصور الذي قامت بنشرها، قائلةً:"طيب أول حاجة شكرا علي كل ردود الفعل، الوحشة والحلوة كلها، ساعات موقف زي دي بتخلي ناس تشوف ناس تانية عاملين إزاي مجرد أنهم بيعبروا عن رأيهم، وشكرا لكل الناس اللي كانت خايفة وقلقانة عليا، ممكن بقي أقولكم الحكاية من وجهة نظري ببساطة".

وأضافت: "أولا الحكاية جت بالصدفة جدا وكان قرار لحظي وانفعالي جدا ومش ندمانه عليه، تاني حاجة أنا مش بعمل كده عشان أطلع ترند بس كنت عارفة إني هبقي ترند، في فرق كبير بين عايزه وعارفة، على فكرة الترند ده نقمه مش حاجة حلوة خالص بس مش هدخل في الجدل ده دلوقتي، تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل وقوة وإرادة وتحدي وجرأة وشجاعة وكل حاجة إيجابية في الكون، أنا فعلا من فترة كنت بمر بمرحلة صعبة جدا بس كنت في رحلة بقالي شوية بتعافي منها وبقف على رجلي من الأول وكان آخرها رحلة دهب، فا تاني بالعكس ده مش اكتئاب ده مرحلة انتقالية مؤمنة إني هحقق فيها حاجات كتير".

وتابعت أسما شريف منير: "آخر حاجة الجماعة اللي مكبرين الموضوع (ده شعري مش شعرك) حاجة كده بجد أخيرة (أنا عاجبني شكلي جدا بصراحة، شكله جامد ومديني ثقه في نفسي جدا) بحبكم أوي بجد".