حسن فؤاد: "محدش يتقارن بآمال ماهر"

تحدث الفنان حسن فؤاد عن رأيه في الاصوات المصرية حاليا قائلا: "أغلبهم صوتهم على قدهم ونطلع منهم كام واحد بس وهما عارفين كده كويس، يعني لما اروح اجيب أغنية البندقية لعبد الحليم حافظ والاقي واحد واحد الدعاء الاخير واسجله ستديو يا بني انت مش واخد بالك ده عبد الحليم حافظ.

تصريحات حسن فؤاد

وأضاف خلال تصريحاته مع الإعلامية انجي هشام في برنامج المنسي عبر قناة هي: “عبد الحليم زي ما قال مجدي العمروسي متصدقهوش غير وهو بيغني، الغنوة دي ضخمه جدا وعبد الحليم حافظ كان عنده خبرة كافية، انت هتجيب مشاعرة منين ؟، هتجيب خبرة عبد الحليم منين ؟، أنا بكلمك على مطرب بيتقال عليه سوبر ستار كان بيغني معايا كورال في يوم من الأيام فوجئت أنه واخد الدعاء بتاع البندقية ومسجلها ستديو لا”.

ووجه حسن فؤاد للمطربين بشأن الأغاني الوطنية:' ارجوكم ابعدوا عن الاغاني الوطنية عشان خاطري، ممكن في الحفلات نغنيها لكن تخش ستديو وتغنيها وتفرضها على الناس الاحساس ميت.

حسن فؤاد: "آمال ماهر في حتة لوحدها"

وتحدث حسن فؤاد عن رأيه في المطربة آمال ماهر:' امال ماهر أنا حضرت ولادتها وعمار الشريعي قالي  تعالى هاخدك يا حسن  اسمعك صوت ولما سمعتها قلتلوا ايه ده يا أستاذ ده محدش يغني زيها غير أم كلثوم بس، قالي أنا خايف اقول كده يقولوا الراجل اتجنن، عمار الشريعي نفسه قال كده وآمال ماهر خسارة كبيرة جدا، من أهم الاصوات اللي طلعت في التسعينات لحد وقتنا هذا متقارنش بحد كصوت، عندنا انغام بونبونايه جميلة وشيرين جميلة، ومي فاروق جميلة بس امال ماهر في حته لوحدها".

وطرح الفنان حسن فؤاد الشهير بمطرب أرابيسك، أغنيته الجديدة "غطي وشك "، عبر موقع الفيديوهات الشهير "يوتيوب".

أغنية " غطي وشك"،  من كلمات الشاعر ماجد ميخائيل، ألحان الموسيقار مايكل عياد، توزيع بيتر فرح، وإخراج سامح ابراهيم.

وتقول بعض كلمات الاغنية: 
( وخدتنا من فين ولفين.. وسابتنا على مين ولمين
عمالة تمرجح فينا.....وتجبنا شمال ويمين ).