"هفضل طول عمري في ضهركم".. هكذا دعم شريف منير أسرته

شارك الفنان شريف منير، صورة جديدة له عبر حسابه الشخصي على موقع التواصل الاجتماعي انستجرام، وظهر شريف برفقة اسرته وعلق قائلًا: "هفضل طول عمري في ضهركم لآخر يوم في عمري".

أسما شريف منير وواقعة التنمر

وأوضح أن أنواع التنمر، تكون عبارة عن مضايقة المتنمر للأشخاص عبر التعليقات، أو عبر الرسائل الإلكترونية التيينتج عنها الإساءة أو التقليل من شأن الشخص، أو القيام ببعض الأمور التي ينتج عنها تشويه سمعة الأشخاص عبرإرسال الرسائل الإلكترونية التي تتضمن المعلومات غير الصحيحة عن الشخص بهدف نشر الشائعات.

أسما شريف منير تحلق شعرها زيرو

وسبق، قررت خبيرة التجميل أسما شريف منير حلق شعرها؛ وذلك بسبب تعرضها لوعكة صحية وتلقيها علاج الغدة، ونشرت فيديو لها وهي تحلق شعرها عبر خاصية الاستوري على حسابها الرسمي بـ إنستجرام، وعلقت أسما: القرار مش سهل خالص.. وحاسة أني أنا ببتدي حاجة جديدة من الأول، وشعري كان بيقع بطوله، لأن أنا عندي الغدة وهي مش متظبطة فكان بيقع كتل، بس في جزء منه أني ببتدي من الأول.. الشعر هيطول بنت عمتي عملتها وشعرها طول وبقى صحي أكتر وأحسن بكتير، حاسة أنه قرار كبير بس خلاني حرة.

تعليق شريف منير عن حلق ابنته أسما شعرها

علق الفنان شريف منير على حلق ابنته أسما شعرها زيرو، على طريقة الفنان شيرين عبد الوهاب من قبل، مشيرًا إلى أنه معجب بإطلالتهاةالجديدة، خلال فيديو نشره عبر حسابه على إنستجرام: مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها.

وأردف شريف منير: بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد.. قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا.

وأردف شريف منير: بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟ على العموم ريحو نفسكو واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها المهم إننا مش بنضر حد، سلام عليكم. 

اخر أعمال الفنان شريف منير

اخر اعمال الفنان شريف منير الفنية، هو مسلسله “إجازة مفتوحة”، الذي تم عرضه في أواخر 2021، وجسد شريف منير خلال الأحداث دور أب، متزوج من الفنانة لقاء الخميسي، وتجسد الفنانة سميحة أيوب دور والدته،كما تظهر ملك قورة ودنيا ماهر بدور شقيقتيه، ويجسد كريم أبو زيد دور شقيق الفنانة لقاء الخميسي، مسلسل "إجازة مفتوحة" من تأليف أحمد محمود أبو زيد، وإخراج محمد عبد الرحمن حماقي، وهو بطولة شريف منير، ولقاء الخميسي، وسميحة أيوب، وملك قورة، ودنيا ماهر، ومراد مكرم، وكريم أبو زيد، وملك قورة، وهشام إسماعيل، ونورهان، وهدى مجدي، وأحمد زكريا.