هاجر الشرنوبي تقع في مأزق السرقة و تلجئ إلى دار الإفتاء من أجل معرفة الحل الصواب
"مش هشهد زور"..هاجر الشرنوبي تتعرض إلى السرقة وتستعين بدار الإفتاء
تعرضت النجمة الشابة هاجر الشرنوبي إلى السرقة، وأفصحت عن تفاصيل تلك الموقف، من خلال صفحتها الشخصية عبر موقع "فيسبوك"، من أجل الوصول إلى حل يريح ضميرها في هذا المأزق التي وقعت بها.
وسردت هاجر الشرنوبي تفاصيل الموقف قائلة: "أنا في اختبار صعب، وعمالة أسأل كل اللي حواليه أعمل إيه؟، الست اللي بتساعدني في البيت سرقتني شكيت فيها آه بس مكنتش متأكدة، ومحبتش أظلم ولا ابلغ، قلت أنا مش هجيبها البيت تاني وخلاص، كلمتني كذا مرة مردتش، سابتلي ڤويس وصوتها كان تقيل صوت حد عنده جلطة، وانا اتجننت إني ظلمتها ووصلت للحالة دي".
هاجر الشرنوبي تروي كواليس تعرضها للسرقة
وتابعت هاجر الشرنوبي حديثها قائلة: "كلمتها مالك يا بنتي في إيه؟، قالتلي ابني كان مأجر موتوسيكل اتسرق منه والراجل شراني عاوز فلوس، عاوز كام كذا، المهم كلمت الناس اللي كانت بتساعدهم كلهم في البيت ولمينا فلوس، أقسم بالله مش معايا أساسا وروحتلها البيت، بس حسيت إنها تمام وبكامل صحتها، هي بس متقلة في صوتها مش اكتر، قلت دي حاجة لربنا وخلاص وحسبي الله ونعم الوكيل فيها لو كل ده فيلم، سافرت بعدها بعشر ايام لقيت ظابط بيكلمني وبيقولي ان الست دي ظبطوها وهي بتبيع فردة الحلق بتاعي ومع الضغط عليها اعترفت إنه ا سرقتني وأنها كانت بتمثل عليا إنه ا اتجلطت".
واستكملت هاجر الشرنوبي حديثها قائلة: "بين سين وجيم في التليفون، قلت للظابط بس أنا متنازلة ومش هينفع تتسجن علشان هيا عندها أولاد صغيرين (العفو عند المقدرة) وبنتها الصغيرة كانت بتيجي معاها، و،نا كنت متعلقة بيها عاطفيا جدا، هيا زئرده كده عندها ٩ سنين بس بحبها أو ي كلمتني وقالت لي والنبي يا طنط انا مش هعرف اعيش من غير ماما، ماما مسكوها وهي بتبيع الحلق بتاعك وفجأة الخط قطع، أنا مش عارفة البنت الصغيرة عارفه حقيقة والدتها ولا لأ ؟ ودي بالنسبالي بجد قصة تانية أسوأ من كل الموضوع ده".
هاجر الشرنوبي تقع في مأزق وتستعين بدار الإفتاء
وتابعت هاجر الشرنوبي حديثها قائلة: "اتضح إني لازم بنفسي أروح القسم اتنازل، ومن حظها الوحش اني كنت مسافرة واتاخرت عليها ولما رجعت من السفر روحت في اليوم الخامس اللي اتجددلها فيه الحبس، تفاجأت وأنا في النيابة إن خلاص ميعاد جلستها بسرعة بعد بكره والحظ السيء اني مسافرة برضه بس قررت أعمل توكيل لمحامي، كلمت الناس اللي كانو جيبينهالي والناس دي كلمت كل الناس اللي كانت بتروحلهم في الكومباوند اكتشفنا كمية سرقة ونقل كلام لا تعد ولا تحصي".
وأنهت هاجر الشرنوبي حديثها قائلة: "أنا ليه بحكي كل ده ؟، في حاجة كده رنت في ودني إني أكلم دار الأفتاء، كلمتهم قالولي اني لو روحت وقولت إنها مسرقتنيش تبقى شهادة زور، ولو قولت إنه ا سرقتني بس أنا مسامحاها كده هيبقي تنازل عن شق مدني وهيبقي لسه فيه شق جنائي وهيتحكم عليها، إيه العمل ؟ أتصرف أزاي، انا بجد صعبان عليا الأولاد الصغيرين أوي، وفي نفس الوقت أكيد مش هشهد زور، اتصرف إزاي ؟؟؟؟، أنا عاوزة قرار يريح قلبي وضميري في نفس الوقت".
آخر أعمال هاجر الشرنوبي
كان من آخر أعمال هاجر الشرنوبي في مجال الدراما، هو مسلسل "وبينا ميعاد"، وشارك في بطولته كل من شيرين رضا، صبري فواز، مدحت صالح، داليا شوقي، خالد أنور، وفاء صادق، أسامة الهادي، محمد سليمان، بسمة، يوسف الكدواني، بريهان أنور، تسنيم هاني، ومجموعة أخري من النجوم.
الصفحات والقنوات الرسمية لـ موقع بوابة الفجر
يمكنكم متابعة أبرز وأهم الأخبار العاجلة عبر بوابة الفجر الإلكترونية من خلال التطبيقات الرسمية للموقع، والتي تعرض ما يحدث في الساعة على مدار اليوم لحظة بلحظة.
