تضامنًا مع فلسطين.. أسما شريف منير توجه رسالة لمتابعيها

حرصت الإعلامية أسما شريف منير، على توجيه رسالة لجمهورها، لتشجيعهم، على دعم القضية الفلسطينية، وعدم الصمت عما يحدث، من جرائم قتل وقصف على الأراضي الفلسطينية المحتلة، وذلك من خلال حسابها الرسمي على موقع التواصل الاجتماعي وتبادل الصور والفيديوهات انستجرام.

رسالة أسما شريف منير

وشاركت أسما شريف منير عبر حسابها على تطبيق انستجرام منشور وكتبت فيه قائلة: عندي إحساس إن الناس بدأت ترجع تاني للحياة وبطلوا يتكلموا، أرجوكم ما تزهقوش وما تسكتوش.

وتابعت أسما قائلة: “احنا كلمنا بيفرق عيشوا الحياة عادي للي قادر يعيش زي الأول بس الكلام هو المساعدة الوحيدة مش هينفع نسيبهم في وسط الطريق".

وأضافت أسما: “لو إحنا مكانهم هنبقى عايزين الدعم  من كتر الواحد ما بيشوف ممكن يجلنا تبلد في المشاعر عشان اعتدت المنظر بس الواقع هناك أصعب بكتير”.

وانهت اسمها حديثها قائلة: ربنا يهون عليهم ويقويهم وينصرهم.

أسما شريف منير تثير الجدل

وأثارت الإعلامية أسما شريف منير الجدل خلال الساعات الماضية، بسبب منشور شاركته عبر حسابها الرسمي على موقع تبادل الصور والفيديوهات "إنستجرام" من خلال خاصة "الاستوري".

وكتبت أسما قائلة: كل يوم أربع كنت بسهر مع صحابي، وكل مرة حتى لو بنبسط يوميها، تاني يوم بيكون يوم وحش أوي وكل مرة أقول مش هروح وبضعف وبروح.
 

وتابعت أسما شريف منير: “بقالى 12 يوم مرحتش، وده بدأ بإني حاسة إني عمري ما هعرف أرقص وأهيص في الوقت الصعب ده، وبعدين بقى إحساس ليه علاقة بيا أنا واختياراتي، والنهارده رحت مسجد صالح الجعفري صليت ورحت بعديها مقام الإمام الحسين صليت العشاء، وكان إحساس في منتهى الهدوء والسكينة وقلبي كان مطمئن وسعيد”.

وأضافت أسما شريف منير: "وأنا راجعة البیت عديت من جنب المكان اللي كنت بسهر فيه، قعدت أسبح لحد ما روحت وحسيت كأني طلعت الأولى على المدرسة، إحساس کده مليان قوة وانتصار على الشيطان وعلى نفسي، وده مش عشان أنا ضد السهر خالص، بس أنا ضد إن يبقي دا محور حياتي ويوم ثابت کده، التوازن مهم في كل حاجة، وانا اتلهيت جدا، فمبسوطة إني كل شويه بفوق وبصلح واحدة واحدة".

وأنهت أسما شريف منير حديثها قائلة: "أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم وإن هييجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملا قلبك كله.. ربنا يهدينا كلنا يا رب.. يلا قوموا نصلي الفجر حاضر".