بعد تصدره التريند.. كواليس زواج الفنان سامح الصريطي والمطربة حنان

تصدر الفنان سامح الصريطي محركات البحث جوجل خلال الساعات الماضية، وذلك بعدما كشف كواليس زواجه بالمطربة حنان، في لقائه مع الإعلامية إسعاد يونس، ببرنامج صاحبة السعادة، على قناة dmc.

ويعرض لكم الفجر الفني في السطور التالية كواليس زواج الفنان سامح الصريطي والمطربة حنان..  

كواليس زواج الفنان سامح الصريطي والمطربة حنان

كشف سامح الصريطي عن كواليس زواجه بالمطربة حنان، في لقائه مع الإعلامية إسعاد يونس، ببرنامج صاحبة السعادة، على قناة dmc، قائلا: «الحقيقة أنا حسيت في الفترة الأخيرة بدرجة قرب شديد منها، فالإحساس اللي جوايا هو جواها، بنتعامل كأصدقاء وإخوات لكن في شىء تاني بدأ يتسحب ويتسلل كده، فقلت لها مش فاضل غير إننا نتجوز، أنا لاقيت الفرصة المناسبة لأني أقول الجملة دي، وهدية حزمة البقدونس جبتها عشان أقولها إني فاكر إنك بتحبي البقدونس، ومش كده وبس، كنت حاطه ورا ضهري وقدمته زي روميو.. ولما قلت هى ارتبكت، فقلت لها مترديش خالص دلوقتي، وقعدنا عادي جدًا بعدها، وبعدين سافرت ألمانيا وتعاملنا عادي كإن مفيش حاجة، ثم حسيت من خلال مفرداتها وكلامها إنها موافقة، كان فيه شروط أهمها أولادنا يوافقوا، فكإني طلبت إيديها من ابنها، وبمجرد ما قلت لابتهال بنتي لاقيتها فرحت جدًا، وبنتي آية كلمتها في لندن وسعدت جدًا بالخبر.. واتفقنا نعيش في هدوء بعيدا عن الأضواء، لأننا كنا خايفين من السوشيال ميديا ومن ردود أفعالها».

حنان تروي قصة تعرفها وزواجها من سامح الصريطي

بينما قالت المطربة حنان: «أعرف سامح من أربع سنين ونصف، شوفته مرة في ندوة جنب بيتي، وإتكلمنا شوية، وبعد كده عرفت إن بنته ابتهال هى صديقة لهشام ابني، وبدأت صداقتنا وكنا نكلم بعض كل شهرين مرة، ومفيش بيننا أدنى شيء غير صداقة، وطول الوقت كنت بحترمه كممثل وبني آدم ومبسوطة إني عرفته، الموضوع تطور، وأنا معرفش إزاي، فهو كان بالنسبة لي صديقا، كل فترة أكلمه وأقوله على حاجة مضيقاني، وكان دايمًا يعزمني على ندوات وقعدات ثقافية في بيته، عجبتني دماغه، والتقينا في حاجات كتير مع بعض، ومع الوقت بدأنا نتكلم أسرع، لحد ما جه مرة وقالي تعرفي إنك وحشتيني، فقلت له متشوفش وحش، وذات مرة عزمته على الغداء فقالي أنا جاي النهاردة، وهو جاي جاب لي حزمتين بقدونس، وقاللي هو ده اللي إنتي بتحبيه، أنا جبتهولك.. وبعد ما إتغدينا وإتكلمنا قال لي مش فاضل غير إننا نتجوز، فافتكرته بيهزر، فقال لي أنا بتكلم بجد، إتخضيت بعدها، لكن مكنتش زعلانة».  

أبرز أعمال سامح الصريطي

الأفلام: أيوب، الدباح، ملاكي إسكندرية، جوبا، ليالى، بوبوس، أدرينالين، قضية صفية، المنتقم، خيبر، الرهينة، فيلم “لعبة الكبار”، فيلم “اللي بالي بالك”، فيلم “خيانة مشروعة”، فيلم “حين ميسرة”، فيلم “أدرينالين”، فيلم “من أول السطر”.

المسلسلات: الباحثة، حب عمري، لعنة كارما، أزمة نسب، مطلوب رجال، أزمة سكر، جميلة، مسلسل “الشوارع الخلفية”، مسلسل “الضياع”، مسلسل “ليالي الحلمية”، مسلسل “الثعلب”، مسلسل “أميرة في عابدين”، مسلسل “يتربى في عزو”، مسلسل “السيدة الأولى”، مسلسل “نصيبي وقسمتك”، مسلسل جمع سالم.

مسرحيات: "الحب بعد المداولة "، " عطشان ياصبايا "،" تذكرة للجنه "، " زى ما تحب "، " نجوم الظهر "، " عالم "،كورة كورة "، " شغل أرجوزات "، " أحلام الفرسان "، " ذات الهمة "ومن مسلسلاته " رمضان والناس، " هي والمستحيل " حتى لا يختنق الحب "، " ليالى الحلمية "، " أميرة في عابدين "،" يتربى في عزو " والفليم التلفزيونى " دليل الاتهام "، " رجل اسمه عباس "،" أيوب " ومن افلامه السينمائية الأخيرة " ملاكى إسكندرية "، " خيانة مشروعة "، " الرهينة "، " شارع 18 "، " حين ميسرة " وحاليا يعمل مديراعاما للفرقة القومية للفنون الشعبية.