محمود عامر: "زوجتي بتديني أمل في الحياة.. وأولادي وحشوني جدا"

كشف الفنان محمود عامر خلال تصريحات تلفزيونية عن علاقته بزوجته الدكتورة رشا فرج وعلاقته بأولاده وسبب انفصاله عن زوجته. 
 

وقال:"زوجتي رشا بتعطيني أمل في الحياة فهي شخصية صبورة جدًا تحملت معي الكثير أثناء فترة العلاج فهي عوض ربنا ليا وأنا كنت في ضياع وربنا رزقني انسانة رجعتني للدنيا اشيلها علي دماغي من فوق وربنا يرزقني بكل جميل أوفرهلها لأنها تستحق، فجأة لقيت نفسي وحيد ملقتش إلا هي جنبي وداعم ليا، لولاها بعد ربنا كنت ضيعت، جالي سكرعرضي، ودخلت في فيلم غريب وبرضو بفضل الله ووجودها معايا السكر العرضي راح ورجعت بني اَدم تاني ". 

 

وأضاف:"بقول لأولادي ربنا يخليكوا ليا ولا يحرمنيش منكم ومتزعلوش مني لو اللي حصل ضايقكم بس انتوا اقرب ناس كنتوا عايشين معايا وعارفين الظروف واشوفكم علي خير يارب وأوعوا تنسوني".
 

محمود عامر:" مش أنا السبب في الانفصال دي كنت رغبة أم ولادي"
 

وتابع: "مش أنا السبب في الانفصال دي كنت رغبة أم ولادي، بس الحقيقة إن أولادي وحشوني جدا".
 

علاقة محمود عامر بأولاده

وأشار:"دموعي علشان بقالي 3 أيام بكلمهم ومحدش بيرد علي من ولادي، صعب على نفسي". 

 

وواصل:"اكيد جوازي هيأثر علي ولادي وهيزعلهم بس من يوم جوازي مش عارف اوصلهم وبعت رسائل ليهم واتصلت بيهم بس مبيردوش على، أنا عارف إنهم بيحبوني وبيتمنولي الخير وأنا مخترتش طريقي ربنا هو اللي اختار ده".
 

آخر أعمال محمود عامر

والجدير بالذكر آخر أعمال محمود عامر مسلسل المداح الجزء الثالث (أسطورة العشق)، والذي حقق نجاحات واسعة في الوطن العربي، ومازال مستمر للجزء الرابع رمضان 2024.