أحمد سعد: "بيصعب عليا نفسي.. وحفظت قرآن من طفولتي"
في حلقة مليئة بالأسرار حل الفنان أحمد سعد ضيفًا مع الإعلامي الإماراتي أنس بوخش، في برنامجه AB talks، المذاع عبر موقع الفيديوهات الشهير يوتيوب، وتحدث خلال اللقاء عن تفاصيل حياته الشخصية والطفولة بجانب إلى أسرار يكشفها لأول مرة.
وصرح أحمد سعد خلال لقائه مع أنس بوخش عن أقرب الأغاني لقلبه، حيث قال “كنت عامل أغنيتين سألت نفسي كتير من أكتر الأغاني اللي بتعبر عني وأغنية أنا إنسان، وبحس إني ببان على شكل وأنا من جوا شكل تاني خالص والصراع بين الخير والشر هو ده أنا".
واستكمل سعد حديثه: “حاسس إني أنا طيب وغلبان ومبحبش أبان طيب وغلبان.. بس أنا كده مع نفسي بيصعب عليا نفسي والناس وفي علاقة روحانية بيني وبين نفسي.. وبحب أبين للناس إني الجامد والقوي وأصيع واحد في الكوكب، والبني آدم عايز يوري حاجة عكس اللي جواه وفطرتي فيها حاجات تتداس”.
واختتم أحمد حديثه قائلًا: “ابتديت أحفظ قرآن وابتهالات دينية في طفولتي وبعدين دخلت في أم كلثوم وعبد الوهاب، وكنت دايمًا في العيلة بحب أظهر عشان كنا 9 وحب الظهور ده نوع من أنواع الأمراض كنت بحارب طول الأسبوع عشان أبان قدامهم”.
آخر أعمال أحمد سعد
يذكر أن آخر أعمال الفنان أحمد سعد أغنيته “ سبب فرحتي ” مع الفنانة أصالة والتي حقق من خلالها نجاحًا كبيرًا فور طرحها على “يوتيوب”، حيث تخطيت حاجز الـ 7 وربع مليون مشاهدة، وتصدرت التريند الأول على موقع الفيديوهات الشهير " يوتيوب ".
