أحمد سعد:"سبت البيت وأنا عندي 15 سنة ومقدرش أعيش من غير الشهرة"
في حلقة مليئة بالأسرار حل الفنان أحمد سعد ضيفًا مع الإعلامي الإماراتي أنس بوخش، في برنامجه AB talks، المذاع عبر موقع الفيديوهات الشهير يوتيوب، وتحدث خلال اللقاء عن تفاصيل حياته الشخصية والطفولة بجانب إلى أسرار يكشفها لأول مرة.
فصرح أحمد سعد خلال لقائه مع أنس بوخش عن أسباب تركه للمنزل وهو في سن الـ 15، حيث قال:" سبت البيت وأنا عندي 15 سنة.. اخترت إني عايز أكون مستقل في حياتي ومكنتش بشرب سجاير ولا بعمل أي حاجة في الحياة، وفضلت طول الوقت عايش عشان أثبتلهم أن وجهة نظري صح".
وأضاف أحمد سعد: “طول حياتي بثبت للناس ومفكرتش أثبت لنفسي، وكل الناس في طفولتها بتخرج أنا كنت بروح أشتغل في 4 أماكن ورا بعض وأمسك شنطة الملحن وأعمله شاي عشان أغني وأقول مواويل”.
وأردف سعد، قائلًا: “حلمت حلم وأنا عندي 25 سنة وشوفت حاجات عن نفسي غريبة جدًا، فيها شخص مختلف تمامًا شفت أنا فين وممكن أروح فين بعد كده، وصحيت من الحلم ميت من العياط وبسبح كتير، وعندي إحساس دايمًا وأنا ماشي في العربية بقعد أستغفر لكل الناس.. وأنا متدين ومتصوف بشكل معين”.
واختتم سعد حديثه، وهو يتحدث عن رأيه في الشهرة، حيث قال: "مقدرش أعيش من غير الشهرة.. والحاجة الوحيدة اللي آذتني فيها إني مش عارف أكون مع ولادي في الملاهي".
