بوسي تهاجم سعد الصغير: 'ليه دايما تنط زي الفرقع لوز في مشاكلي؟!'
هاجمت المطربة الشعبية بوسي، المطرب الشعبي سعد الصغير بسبب ظهوره مع والدها الراحل على الهواء في برنامجه خلال فترة كانت تشهد خلافات قوية بينهما، قائلة: «ليه تصدق يطلع عليّ أي كلمة أو حد يقول عليّ حاجة تنط زي الفرقع لوز وتقعد تفرش الملاية؟!».
وأضافت بوسي، خلال حوارها مع الإعلامية بسمة وهبة، مقدمة برنامج «العرافة»، على قناتي «النهار» و«المحور»: «إيه الجو البلدي ده بجد؟! مش فاهماك، عمري ما هرد عليك عشان أنا أكبر من كده بكتير».
وتابعت المطربة الشعبية: «ياما عملت كتير لأبي وإخوتي موجودين وشايفين حصل ايه، وبيت أبي مكنش فاضي، لكن أخي أحضر أبي ليعيش في شقة أمي، لأن أبي كان يكسر الإيجار ولا يدفعه، وجابه يعيش جنبه، وأبي كان بيشتغل وكنت بديله، وفي النهاية يبقى أبي».
أحدث أعمال بوسي
طرحت الشركة المنتجة لمسلسل "أعلي نسبة مشاهدة" تتر المسلسل والذي قامت الفنانة بوسي بغنائه وجاء التتر يحمل اسم "وبقينا في دنيا تلاهي"، وأغنية مسلسل "أعلى نسبة مشاهدة" من كلمات محمود عليم وألحان إيهاب عبدالواحد، توزيع شادي جوزيف.
كلمات تتر مسلسل "أعلي نسبة مشاهدة"
بقينا في دنيا تلاهي
دوشة وعيون باصة جوه الشاشات
وللأسف الزمن اتغير كانت كله بايعها كله كاشات.
وكدة مش واخدين بالنا حالنا
ووضع عيالنا عامل بيسوء ده زمانهم عكس زمانا
احنا في كارثة مش هنفوق.
الدنيا خلاص ماشية تريندات
فضايحنا تجيب أعلى مشاهدات
شوف منى وراح شوف مين في جراح
حتى وجعنا بيتذاع على البعض
التربية بقت موضة سودة جوة الأوضة
ابنك ضاع
حاول منه تقرب جرب
سيبه عايش كده في صراع
أكل العيش آه حاجة صعبة لكن
لأجل ضنايا كله يهون
لو ضاعت منا عيالنا والله
ما هيعوضها فلوس الكون
