شيرين عبد الوهاب: "بقى عندي أسلوب جديد في حياتي.. والفلوس مبقتش أهم حاجة بالنسبالي"
حلت الفنانة شيرين عبد الوهاب ضيفة على برنامج "بودكاست Bigtime" تقديم الإعلامي عمرو أديب والفنانة أصالة، المذاع عبر فضائية "MBC1".
وتحدثت شيرين عبدالوهاب، عن الأدعية التي تدعي بها المولى عز وجل خلال حياتها اليومية، قائلة إنها دائمًا تقول هذه الأدعية: "يا رب متخليش صفاتي الحلوة هي تبقى سبب تعرضها للأذى في الدنيا.. يا رب استخدمني وأكون سبب في الأرض لخدمة الناس وتقديم العمل الإنساني".
وأفصحت شيرين عبد الوهاب عن تفاصيل حياتها اليومية، قائلة: "بقى عندي أسلوب جديد في حياتي، كل حاجة اتغيرت وبلعب رياضة وابتعدت عن الأكل بشراها، وبعد الساعة 2 بعد منتصف الليل مش بمسك التليفون".
وأكملت: "الفلوس بالنسبالي بقيت مش أهم حاجة بقيت محتاجة اللي أعيش بيه أنا وبناتي، واللي عندي بقول يا رب اعتبره مش ليا"، مضيفة: "أنا عيشتي قبل الفن هي هي بعد الفن.. معنديش طباخين وسفرجية، عندي فدانين أرض زرعاهم كل الحاجات اللي بحبها، وبحب الفول الحراتي بالكمون والجبنة القريش كأني باكل كافيار".
أخر أعمال شيرين عبد الوهاب
ويذكر ان أخر أعمال المطربة شيرين عبد الوهاب أغنية" الدهب "، وحازت الأغنية على إعجاب الجماهير في الوطن العربي.
أغنية "الدهب" من كلمات تامر حسين، وألحان مدين،وتوزيع الموسيقي توما.
وتقول كلمات الأغنية: “قالوا الدهب اللي بيلمع عمره ما بيصدي ياما نصحنا ما قولنالك قولنالك هدي لفيت الدنيا أهو وجيتلي وهتبوس على يدي مش كان من الأول إحنا استغنينا عيني علي اللي بيتجرأ لما بيطرق اتهور مسمعش اتهور معرفش يفرق النية اللي متبقاش سالكة دايمًا بتغرق مش كان من الأول إحنا استغنينا.. ما إحنا قولنا اكبرولنا قولنا عيب عليكوا".
