لقاء الخميسي: حلم حياتي المشاركة في أعمال غنائية ومش شرط تكون في السعودية

عبرت الفنانة  لقاء الخميسي عن حبها للنجاح وتمنيها لعمل أفلام غنائية قائلة: "عندي شهوة للايس كريم وشرا اللبس والنجاح من حقي لاني تعبت وابتديت من الصفر وحلم حياتي اعمل حاجة غنائية زيها زي افلام برا، ولو اتعرض عليا في السعودية عمل هوافق بس شرط حاجة جامدة، وده في اي حتة في العالم من شرط السعودية، ياريت في مصر".

وقالت لقاء الخميسي، خلال استضافتها ببرنامج "أسرار" مع الإعلامية أميرة بدر المذاع على قناة النهار: "بخاف من الحسد، ومبركزش في حاجات وحشة، عمري ما اتمنيت اني اعمل دور حد، كل مرة اشوف أدوار زمايلي أقول عاملين الدور حلو، لاني لو مشفتش اللي عندي هيروح مني".

وأضافت لقاء قائلة: "كان عندي غضب بس بعد الرياضة الدنيا هديت شوية، معظم غضبي مع ابني الكبير، عمري ما اتنرفزت في الشغل، مبحسش بنفسي، وبحدف حاجات على اللي قدامي ولما مسكني من دراعي مرة عيطت 3 ايام، وبعدها اوسا زوجي خلاه يجي يعتذر، وهو حبيبي جدًا، وزوجي عمره ما اتعصب وهينقطني بهدوءه، ووجهة نظره بيقول ان لو زعقنا نقنع الناس ازاى، يبقى نتكلم بالهدوء". 

 

مواعيد برنامج أسرار 

برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.