بسبب تصريحاته في بودكاست Big Time مع عمرو أديب.. أحمد سعد تريند جوجل
تصدر اسم الفنان أحمد سعد، خلال الساعات الأخيرة، تريند محرك البحث جوجل، وذلك بعد ظهوره مع الإعلامي عمرو أديب في برنامج بودكاست Big Time، الذي يعرض على قناة mbc1 خلال شهر رمضان المبارك.
أبرز تصريحات أحمد سعد مع الإعلامي عمرو أديب
كشف الفنان احمد سعد سبب ارتداءه حلق وقميص شبك مقابلته خلال لقائه مع عمرو أديب في بودكاست Big Time.
وقال:" انا خرمت وداني في وقت الحياة كانت مخرومة معي، وبعد نجاحي ابتديت اعمل زي المشاهير".
قائلًا: بعدين سافرت إيطاليا وشوفت أحسن إستايليست في ميلانو، وطلبت منه يلبسني أحسن حاجة، واللي عملته طبعًا كان غلط واعتذرت عنه" وذلك في إشارة إلى ظهوره على المسرح مرتديا ملابس على شكل شبك.
وأضاف سعد "ولو البنات أحيانا بتعمل أشياء غريبة أنا عملت زي البنات".
وتحدث سعد عن شقيقه العالم، قائلًا:" سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر".
وأضاف:" سامح خد أول 5 سنين في كلية علوم امتياز مع مرتبة الشرف طلع مؤتمر أخدته اليابان حضر فيها ماجيستير ودكتوراه".
وتابع: "كان الأول على اليابان، وأمريكا أخدته، عملوله معمل من أهم 10 معامل في العالم، وزويل كلمه ينزل يشتغل معاه، وبعدها رجع قال أخدم مصر، دلوقتي معاه عربية 128".
وتابع: "أنا مش عارف أتخيل منظره إيه قدام الطلبة بتوعه بعد القميص الشبك اللي أنا لبسته، قولتله يا حبيبي دي تجربة علمية زي تجاربك العلمية اللي تنجح أو تفشل وأنا فشلت".
وأشار:" إحنا 9 أولاد، وأنا رقم 7، أبويا كان جوارديولا، وأنا كنت بخدم الـ 8 أخواتي، وفي يوم قررت أعمل ثورة عليهم، لكن كنت بحضر لها جوا مخي، أخويا شالني ورماني برة وقفل الباب".
وواصل: "روحت جبت لهم الأكل ورجعت تاني.. كانت مأساة، بس عددنا الكبير ساعد على أن يطلع مننا مواهب بسبب المنافسة فيما بينا".
ماذا قال أحمد سعد عن زوجته السابقة علياء؟
وتحدث الفنان احمد سعد عن زوجته السابقة علياء قائلا: أغنية عليكي عيونى كانت لعلياء وكلمات الأغنية كلها ليها حتى بعد طلاقنا لأنها ست عظيمة وأحلى ذكريات معاها.
وأضاف: أحلى أيام حياتى كانت أيامها، وبينا طفلة، وهي ست عظيمة، وأعظم حاجة في الدنيا، وهي قدمتنى لقدام، وبقول ده لدلوقتي ولا أنكر.
وتابع: مش معنى اننا اختلفنا على شيء اننا نهدم جميع الأشياء ده مش صح، وهي أم صالحة لبنتي، وعليها عيون لا بتنافق ولا تخون.
آخر أعمال أحمد سعد
والجدير بالذكر أن آخر أعمال أحمد سعد دويتو "يا مولانا" غناء أحمد سعد ومسلم،وحاز الدويتو على إعجاب الجمهور في الوطن العربي.
