مي عمر: الأستاذ عادل إمام قالي احساسك عالي وهتبقي ممثلة مهمة
كشفت الفنانة مي عمر عن كواليس عملها مع الزعيم عادل إمام قائلة: "رفضت بطولة بعد مسلسل الأسطورة، وكنت عايزة اشتغل مع نجوم كبيرة قبل ما اعمل بطولة، واتعرضت عليا رواية اسمها رغم الفراق ومنزلتش".
مي عمر ضيفة برنامج أسرار
وقالت مي عمر، خلال استضافتها ببرنامج "أسرار" مع الإعلامية أميرة بدر المذاع على قناة النهار: "خُفت من الشغل مع الاستاذ عادل إمام، ومن اول شغلي كان حلمي اشتغل معاه، وقبل التصوير بيوم منمتش، وقعدت احفظ كتير عشان منساش، ولما رحت التصوير فجاءة لقيت الاستاذ عادل بيطمني وبيقولي مبروك اول يوم ومتقلقيش، واتعلمت منه الالتزام والثقافة وأنه بيتابع وبيتفرج على كل الأعمال، وموصلش للي هو فيه بسهولة، كنت بقعد معاه اهريه أسئلة، وكلمني تاني يوم عرض المسلسل وقالي مبروك انا اتفرجت وهتبقي ممثلة مهمة، واتكلم عني في الصحافة بكلام حلو أو ي، وقال احساسي عالي".
برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
