نيللي تكشف عن سبب اختفائها وحقيقة اعتزالها الفن

كشفت الفنانة نيللي، عن الفوازير وعشقها الدائم لها، موضحة أن الجمهور ما زال يشيد بها، كما صرحت عن موقفها من الاعتزال.

سبب اختفاء نيللي

وقالت نيللي في تصريحات تليفزيونية: “فترة اختفائي دي مقصودة، والفوازير بالنسبالي هي حياتي، أنا طلعت كل الموهبة اللي عندي من رقص وغنا وتمثيل فيها، والجمهور بيقولي كلام رائع، والفوازير دي كانت زمان أوي ودلوقتي بتتعاد والأجيال الجديدة كمان بقت تشوفها”.

وتابعت نيللي: “دايمًا كانوا بيقولولي نيللي رمضان، قولت لأبويا هو أنت اسمك رمضان ومش قايلي؟”.

كما أوضحت نيللي موقفها من اعتزال الفن بشكل نهائي، قائلة: “حكاية أرجع دي مش هتحصل.. وأنا معتزلتش بشكل صريح بس أنا جوايا فنانة وبشوف كل الأمور بطريقة فنية وده ساعدني كتير”.

حقيقة اعتزال نيللي

وفي وقت سابق صرحت نيللي عن اعتزالها الفن، وقالت خلال تصريحات تليفزيونية سابقة: ابتعدت عشان أوحشكم، ويا بخت من زار وخفف، ومفيش وقت معين للظهور، أنا بعتذر دايمًا إني أطلع وأظهر في البرامج الحوارية، لكن يمكن تيجي في دماغي مرة أوافق وأعمل فوازير.

كما كشفت عن السر وراء قبولها الفوازير في بداية حياتها الفنية، مشيرة إلى أنها في البداية؛ كانت ترفض المشاركة في الفوازير، لكن فور علمها بأن الفوازير بها استعراضات، وافقت على الفور.

وتحدثت نيللي عن مشاركتها في الفوازير، خلال الندوتها، في مهرجان القاهرة السينمائي، بدورته الـ 43، قائلة: قلت فوازير إيه وإي اللي يخليني أسيب السينما، ولما عرفت إن في استعراضات كلبشت في الموضوع والاستعراض بالنسبالي حياة، وعندي كل الأفلام الاستعراضية الأجنبية.

كما تحدثت الفنانة عن شروط اختيارها في الأعمال، قائلة: أنا مش من النوع اللي أقول عايزة أعمل كده.. لو الدور مكتوب حلو والعمل كويس، ومفيش عمل معين أقبله.. لما أفكر أن العمل يكون مكتمل من كل ناحية.