أحمد السبكي يرد على انتقادات الملحد: الفيلم رسالة مهمة عن الإسلام.. فيديو

تحدث المنتج أحمد السبكي، عن الهجوم الذي تعرض له فيلمه الجديد «الملحد» بطولة أحمد حاتم، بعد طرح البرومو الدعائي على مواقع التواصل الإجتماعي، استعدادًا لطرحه يوم 14 أغسطس القادم، في جميع سينمات مصر.

وأوضح أحمد السبكي، في مداخلة هاتفية مع الإعلامية نهال طايل، ببرنامج تفاصيل، المذاع على قناة صدى البلد 2، أن هناك إشادات بالفيلم من قبل الجمهور مثلما تعرض لهجوم، قائلًا: «في هجوم ومدح على الفيلم، واحنا عمرنا ما هنتفق على حاجة واحدة، أنا هسال سؤال: لو إبراهيم عيسى مش اللي كتب الفيلم، واللي كتبه حد تاني غيره كان الفيلم اتهاجم؟».

وأكد أحمد السبكي، على أن فيلم «الملحد» لا يوجد به أي شئ من الشائعات التي تتردد على الفيلم، قائلًا: «الناس اللي بتهاجم دي ناس معروفة، واحنا مش هنقول مين واحنا عارفين مين اللي بيهاجم إبراهيم عيسى، مش بيهاجموا الفيلم، الفيلم مفهوش أي حاجة من اللي هم بيقولوا عليها، والفيلم رسالة مهمة جدًا للدين».

وأضاف أحمد السبكي، قائلًا: «اتمنى من الناس اللي بتهاجم الفيلم تيجي تشوفه يوم 14 أغسطس، بعدين يا جماعة أنتم بتهاجموا الفيلم من غير ما تشوفوه،  لمجرد اسم إبراهيم عيسى، أو بسبب اسم الفيلم ذاته، أو لأني منتج الفيلم».

وكشف أحمد السبكي أن الفيلم حصل على الموافقة من الرقابة على المصنفات الفنية، مشيرًا إلى أنه ظل لمدة سنة يخضع لمراجعة الدكتور خالد عبد الجليل، متسائلًا: «هل لو الفيلم فيه حاجة غلط أو بيهاجم الدين كان اتوافق عليه رقابيًا؟، الفيلم مُصرح رقابيًا.. خالد عبد الجليل يشيل الجملة دي ويضيف الجملة دي، الرجل مشكور شال حاجات وأضاف حاجات وخلاني أصور حاجات عشان يعدل السيناريو.. الفيلم فيه رسالة حلوة قوي للناس».

https://www.youtube.com/watch?v=yuAlAWKBsns