"ريحة الشياط مش حلوة".. عزيز الشافعي يرد علي تصريحات عمرو مصطفي

حرص الملحن عزيز الشافعي الرد على اتهامات الملحن عمرو مصطفى التي أشار فيها إلى أن صناع أغنية للفنانة شيرين عبد الوهاب سرقوا لحنًا قديمًا له بعنوان "غالية علينا يا بلادنا". ونشر رده على هذه التصريحات عبر صفحته على "فيس بوك".

وكتب عزيز الشافعي علي صفحته الشخصية: "ريحة الشياط مش حلوة لو طالعه م المطبخ.. لكن مسك وعنبر لما تطلع ف فيديو.. مابتعرفش تعمل طرب انت غير ف الصياح بس ماشاء الله عليك".

ومن ناحية أخري، هاجم الشاعر الغنائي تامر حسين أحد الملحنين عبر صفحته على «فيس بوك» دون ذكر إسمه، ولكن توقع الكثير من الجمهور أن يكون المقصود من كلامه هو الملحن عمرو مصطفى بعد تصريحاته أمس المثيرة للجدل وهجومه على زملائه في الوسط الفني.

وكتب تامر حسين علي صفحته الشخصية: “ردًا على فيديو المُلحن سليط اللسان قبيح ال قول، أنا فعلًا غلطت لما قُلت على المُحترمين المُبدعين مدين أو عزيز الشافعي زمايلك على أساس انك معانا ف الوسط وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل والإفتراءت الكدابه اللى بتخترعها فى أى نجاح كبير يلتفت حواليه الناس وإنت لا ترتقى إنسانيًا تبقى زميل ل واحد فيهم شتان فرق الأخلاق ده انا اللى بعتذرلهمُ على التشبيه الغير موفق مني ظلمُتهم”.

وأضاف: "ثانيًا لو جبت سيرتك بالخير ف أنا بعمل ب أصلى فى أى لقاء وأى برنامج وبتربيتى وب أقول عيب عنده أولاد كُبار يتشرفوا ب باباهم ماتردش الإساءه ب الإساءه معنديش فُجر الخصومه ولا حابقىّ مُتقلب الود زيك مع كل اللى أحسنوا إليك وساعدوك عشان لما حد من الجمهور المحترم يشوفنى مايقولشى عليا قليل الأصل ونتساوىّ ف القُبح ودى أخر مرة حاغلط وأجيب سيرتك لانى ما بقيتش ب أتشرف بيها وب أتكسِف منها".

واستكمل قائلًا: الناس عارفه كويس وفاهمه مين فينا صادق ومين كداب بالمواقف والسنين والإحترام والتقدير والحمد لله أنى ربنا أنعم عليا وخلانى شخص سوي وب أعقل كلامى وإحترم نفسي لا ف قلبى غل ولا حقد ولا ب أعترض على اللى ربنا كاتبهُ ل زمايلي ببارك للجميع بقلب أبيض ماب أقللش من مجهودهم ونجاحهم".

وأختتم حديثه قائلًا: "ودى أخر رسالة تتقالك ب إحترام ال جى حابقىّ عداني العيب إحترم سنك إحترم نفسك إحترم انك عندك أسرة مايصحش يبقى cv من بعد ما كان نجاحات يبقى خِناقات وسيرة سيئة لإن ماحدش حايسكُت لك تانى على أى تجاوز".

وكان عمرو مصطفى قد قال في تصريحات أمس لاحد المواقع إنه ليس له زملاء في الوسط الفني قائلا: "مليش زمايل في الوسط الفني ومفيش أغنية مسموعة السنادي وحققت نجاح واللي بيتشغل معايا عشان ينجح وبس انت مين يبني انت حشرة".

واكمل حديثه قائلا: "عمرو مصطفى بقاله 4 سنين لا علاقة له بسوق الموسيقى ومليش علاقة بالوسط الفني وانا من النهاردة هطلع جيل جديد من مطربين وملحنين".